隐形战队｜关嘉敏“单飞”拍剧　收入几级跳：户口唔再系三位数

无线（TVB）剧集《隐形战队》最近一集关嘉敏饰演吴家乐（饰辛晓明）的女儿辛芷瑶，角色设定为一个与父亲不咬弦，个性反叛的少女。关嘉敏接受《香港01》访问表示这套剧集拍摄于一年多前，是她刚刚加入TVB的时候，所以拍摄时比较紧张。现在于电视上见到自己当时的演出，感觉新鲜又十分怀念。

谈到剧中角色的造型，她笑言粉丝给了她一个“MK妹”的别称，指银白色的短头发造型十分适合她。她说：“造型系监制Jazz谂嘅，我除咗小学剪过头发，之后都长头发，所以今次戴咗假发之后觉得自己好似变咗第二个人咁。好彩大家都觉得好睇，仲畀咗个‘MK妹’嘅名我，哈哈！最起码唔觉得我做‘MK妹’唔会有违和感。”

第一次拍剧时也闹出了一个笑话，她说：“第一日第一场要拍喊戏，所以紧张到唔敢食嘢，但系拍拍吓肚饿，跟住个肚系咁打鼓，我以为冇人听到。我记得当时个对白系爸爸吴家乐问我：‘肚唔肚饿？’我仲要答唔肚饿，其实支咪收得好清楚，在场所有人都听到，尴尬到爆。”

近年关嘉敏开始接拍电视剧以及一个人出骚，原来早前她已从组合Bingo分拆了出来。她直：“好耐之前我哋已经分开做嘢，近排的确单飞做嘢时间比较多！一开始都会有少少孤单感觉，尤其是上台唱歌嘅时候，自己一个人表演，冇咗其他姐妹陪住真系会紧张，还好后尾慢慢习惯，企喺舞台嘅感觉令我投入落去，所以好快就适应到。单飞时工作多咗都要感激公司同埋客户嘅支持，真心㗎！有佢哋支持我会更有信心做落去。”

单飞后多了工作？她回答：“工作量的确多咗，收入亦都可观咗，我谂比以前多咗一倍有多啦，唔算话好多，但系最起码户口唔再系三位数，而家我可以得闲请父母饮茶，多咗钱买嘢畀佢哋，多咗时间孝顺父母，我辛苦啲，父母就唔使咁吃力。”她表示，现时除了唱歌跳舞，还在进修演技，学唱歌和打鼓。