爱回家｜张盈悦借钱读大学欠债200万变负资产　努力悭钱：有压力

现年24岁的张盈悦（Joyce）为2020年落选港姐，她在无线（TVB）处境喜剧《爱·回家之开心速递》中饰演接龙集团实习行政人员Fanny，凭着骑呢搞笑的形象成功抢镜，更深受剧迷喜爱。而Joyce来头亦不少，她毕业于美国音乐戏剧学院，甚有喜剧细胞的她获得不少演出机会，更曾担任“惊吓演员”。

Joyce今日（21/3）现身电视城出席无线处境喜剧《爱·回家之开心速递》之“喜迎春分”宣传活动。Joyce接受《香港01》访问时表示：“香港而家嘅天气好潮湿，好在我之前用咗消费劵买咗部几千蚊嘅抽湿机，如果唔系我都买唔起。（经济上有压力？）只要我唔谂就唔会有呢个问题。（点解？）因为由我读大学开始嘅时候，我已经有一笔十年期嘅贷款要还，本身我系一个负资产，去到而家就啱啱好，可以悭住使，而我最大嘅投资就系𠮶部抽湿机。”

Joyce透露欠债数目接近二百万：“因为我之前借落去读大学，要摊十年去还，之前因为疫情，可以酌情唔使还住，咁我梗系希望有一笔横财搞得掂啦。（咁如果还唔到会有咩后果？）咁我又唔知㖞，因为我逃避紧呢啲问题。（咁有冇压力？）我而家冇谂到啦，开头毕业就有压力，我会同自己讲希望在明天。（点样悭钱？）少啲用钱，啲衫够着出街就得，同埋尽量唔好食咁贵啰，主攻公司食堂，因为贪佢够平。又或者过咗夜晚12点出去买啲寿司食，因为价钱会降价。（每日会否限用几多钱？）初头嚟香港我系会计住，限自己最多一百蚊，但而家稳定少少就冇，因为咁样做法，我系好容易钻牛角尖，生活会好唔开心好大压力。”