早霸王｜梁嘉琪开咪负评不断　森美：同旧嘅拍档表现有一段距离

森美今日（18/3）现身将军澳电视城出席无线（TVB）节目《LAW霸女神》录影。近期森美新拍档梁嘉琪加入商台节目《早霸王》开咪，但就被听众狠批表现“成旧饭”，连“鱼雷”都要问一餐，再加上经常无故大笑，惹来不少负评。

森美就事件接受《香港01》访问时表示：“其实我畀佢嘅表现分数未去到8，但有7点几啦，咁当然同旧嘅拍档表现有一段距离，原因好简单，旧嘅拍档都做咗好多年，加上出身又系电台，咁所以身份同作用唔同，再加上都会有磨合期。”

森美续说：“其实佢唔系一个蠢嘅人，因为佢本身系一个演员，演员通常系比较单纯，尤其系愈好嘅演员。过往佢都系有稿读，变咗而家系冇，佢每日都会好吃力，因为我要佢写稿。讲真开咪做节目唔系咁易，因为人数唔同，对答反应都会唔同，咁所以佢系需要嘅时间去适应同摸索嘅，我好相信之后会畀到新嘅嘢大家。