早霸王｜梁嘉琪开咪惹负评　被听众批发梦：森美大哥都笑我蠢蠢哋

梁嘉琪今晚（17/3）现身尖沙咀出席九龙乐善堂142周年慈善晚会。对于新加入商台王牌节目《早霸王》顶替离职孔庆慇（Marco）拍住森美，小仪开咪，被听众狠批她经常大笑好嘈好赶客，而且她又对鱼雷不明白意思，要森美花时间解释一大轮，直指森美揾错Marco接班人。

梁嘉琪就事件接受《香港01》访问时说：“其实拍住森美同小仪做节目，系会有啲难道，因为佢哋个脑系转得好快，加上咁早起身，系要畀啲时间自己去适应，讲真一开始时系有啲紧张，系会唔够胆讲嘢，不过之后佢哋就同我讲，当嚟玩就得。（听众投诉你好嘈！）其实我有问过森美大哥，佢就话我做得啱，我揾你嚟就系要你开心就要笑。不过我都会聆听人哋对我嘅意见，从中改善自己不足之处。（听众投诉你连鱼雷都会问乜嚟？）其实𠮶吓都可以话自己未瞓醒，而森美大哥都笑我蠢蠢哋咁几好，仲叫我Keep住㖞。”