陈嘉桓任皮纹分析师创业兼出书　拣对象唔要性格复杂男

陈嘉桓（Rose）近年主力做皮纹分析工作外，最近上映的电影《风再起时》，也有她参与演出。15岁入行的Rose，现已踏入30岁，并曾在2012年及2015年分别出过泰国和韩国旅游书，今年她有计划再出书，今次是皮纹分析书。她表示经历了3年的新冠疫情，很多行业都被迫停摆，她的契妈兼指纹拍档Janey Chau的美容生意，也曾停业过一段时间，反而让她们在指纹生意上有更好发展，致力培训分析师。她希望借着这几年对指纹的研究，帮过很多不同人物关系的沟通个案，还有近大半年慈善赞助帮低收入家庭解读报告，出书去做慈善并帮助家长跟孩子沟通，特别是90后的新一代家长，如何教养小朋友。

同是90后的Rose又可有计划生小朋友？她说：“冇特别谂，好在有细B（同母异父的弟弟），佢今年都二年班，佢对我喺指纹路上帮咗好多，我学完皮纹分析，第一个实习对象就系妈咪，因为佢当时佗紧细B，我真系做咗个实证，怀孕期好紧要，原来系对BB脑部发展好紧要，好多人话赢在起跑线，起跑线唔系拣学校，系喺个肚入面，喺孕期已经开始紧一路铺𠮶条路，自己就……生小朋友就……之后先啦，呢个随缘啦，暂时希望呢几年都系继续推广大脑皮纹分析，因为始终喺香港唔系好普及，但有时见新认识嘅朋友仔，一睇佢哋十指已经知道晒佢哋性格、细个学习模式，佢哋觉得好神奇。我都见过好多妈妈，将自己年轻做唔到嘅嘢，寄望喺小朋友身上，但佢哋心先天潜能未必同妈妈相同，可能佢哋有第二个发展，我喺呢段时间帮咗好多家庭，佢哋学习模式系咩，好多都担心拣学校、拣科有咩系啱佢哋，移民去到新环境佢哋性格又会唔会适应到，呢个都系我哋报告帮到嘅地方。”

对工作滔滔不绝的Rose，被问及有否拍拖？她笑说：“拍拖唔特别讲啦！”Rose表示工作很忙，现在每个月都有开不同班，做培训工作时间长，亦有很多准备功夫，连陪家人和爱犬的时间都很少，何况抽空找另一半？她坦言：“随缘啦，始终自己纹型简单啲，有时遇到性格复杂嘅男士就唔系几啱，期望之后，可能睇下有冇识到个啱先算。”出书之外，Rose还有另一个大计，是开网上影片平台，以其艺人身份拍片宣传企业业务，及跟不同导师一齐合作做企业培训。