网民建议麦妈妈掌教育局好过陈美龄　麦明诗：我阿妈几有idea！

近日有传下届特首林郑想找80年代艺人陈美龄接任吴克俭成为教育局局长，这个消息昨日震惊港日，至于为何要选陈美龄？有人推测她和三位儿子都是在史丹福大学读书，绝对是最强CV；但有人觉得她长居日本，根本不了解香港教育制度，是绝对“坚离地”代表，所以有网友就觉得麦明诗母亲更为适合，有人在留言上写：“陈美龄有几个仔入史丹福？咁不如唔争在叫麦明诗阿妈嚟做….”其实这句看落似抽水，实则又不是没有道理，因为麦明诗妈妈（麦何小娟），现职资深职业治疗师，曾在澳大利亚修读教育硕士和资优教育的课程，最重要有往绩back up，麦明诗会考10优兼剑桥毕业，她的胞兄麦明山中大毕业现职医生，麦妈妈两个“制成品”绝对同陈美龄有得挥，最重要是made in Hong Kong。

【港姐育成】专访：我的女儿麦明诗　一张白纸到10优的培育经历

而麦明诗对网友这句话都很有兴趣，截图放到自己facebook，但hashtag就写“麦爸爸呢”，麦爸爸当然够资格啦，他是Band 1学校圣公会林护纪念中学副校长，教书、教小朋友的经验应该拍得住出书讲教育嘅陈美龄啩？麦明诗此post一出，网友都疯狂留言，不少人都赞成麦妈妈，甚至麦明诗担任教育局局长。

麦明诗接受《香港01》访问以WhatsApp回应，她说：“喺网上见到呢句觉得几得意，所以就同大家分享轻松下。如果我妈咪做嘅话，佢都应该几有idea，因为佢嘅仔女都喺香港教育制度下成长，都好熟悉啦。同埋佢有帮幼稚园嘅小朋友做融合教育，帮过一啲发展比较迟缓嘅小朋友适应学习，所以都有接触唔同背景嘅学生，下届都可以考虑下佢㗎，哈哈；至于我爸爸系政府津贴学校做紧副校长，有实战经验，知道教育资源点分配，学生有咩需要。如果下届揾我阿爸阿妈做，一个做局长，一个做副局长，咁就正喇！”

至于点睇陈美龄做局长呢，麦明诗就话：“持开放态度啦。佢本身有唔同背景啦，有读过教育博士，如果佢做局长，可能都有新嘅风气。不过都要好熟悉香港嘅教育制度，如果有新嘅idea，但喺香港又可唔可行呢？就好似英国推行小班教学好普遍，而且都有好处，老师都会多咗时间关注自己，但喺香港有冇足够资源去做？师资班房又可以点呢？好视乎个环境。加上DSE竞争咁大，又会唔会增加大学学位呢？委任佢都有当中原因，都希望佢同佢嘅团队都会了解下香港学生需要。”