网民轰商台处理梁文礼手法大细超 森美：唔敢挑战公司决定
撰文： 吴子生
出版：更新：
森美今日（8/3）现身电视城出席无线节目《LAW霸女神》录影。提到DJ梁文礼批梁咏琪被商台处罚暂停开咪3个月，相反却没有对早前被余迪伟控诉性别歧视兼职场欺凌艾粒作出惩处，令网民大感不满，直斥商台处理手法大细超：“艾粒职场欺凌就冇事？”
森美就事件接受《香港01》访问时说：“其实公司有佢嘅处理方法，而我作为员工就唔敢太挑战公司嘅决定，始终佢都有佢嘅原因。其实以我哋同公司嘅良好关系，梁文礼系会欣然接受。过往公司同我哋嘅沟通方法都好好，系会同我哋倾好，用最好嘅方法去解决问题。大家系会沟通咗先。并唔系好似以前小学生咁，老师罚你就罚你𠮶种。”
至于网民批商台处理艾粒事件大细超？森美表示：“其实本身个情况好唔同，当然我唔系话啱与唔啱，因为艾粒系同迪伟之间嘅关系，而本身迪伟系原谅咗佢哋，变咗公司可能觉得迪伟都原谅咗佢哋，事件就告一段落，呢个都系我自己揣测啫，实际系咪咁我都唔知。不过始终都系迪伟佢收唔收货，迪伟佢觉得艾粒认咗错同道歉咗，佢收货就得。大事化小 ，小事化无。”