港姐张名雅唔靠老公自资6位数出新歌完歌手梦：我啲辛苦钱嚟

2012年港姐冠军张名雅（Carat）今日（7/2）现身葵涌为首支单曲《我愉快吗》MV进行拍摄。carat透露今次自资6位数字出新歌，全靠自己辛苦钱帮自己完梦：“其实我真系好钟意唱歌，所以我就唔会谂住出一首歌就算，想之后会有其他作品同大家分享，咁所以都要计住数，希望可以再揾多啲，然之后再做好啲音乐。”

Carat续说：“不过无论点都好，都想踏出第一步先。（唔参加《中年好声音》？）哈哈，上年未够岁数，差一年。不过嚟近之后如果有呢啲歌唱比赛，我都想去参加，因为都系一种挑战嚟。同埋我老公都好支持我去做呢样嘢，因为佢都好钟意唱歌。（会否和老公出合唱歌曲？）唔会。最多冲凉嘅时候听吓算，哈哈！（佢未到你嘅级数？）我觉得要专注咗系我自己先，首先要做好咗自己先。”