惊传前亚视高层盛品儒婚变　太太蔡一凤自爆独守空房：等咗4个月

现年46岁的前亚视高层盛品儒与澳门名媛蔡一凤（Michelle）是圈中的登对夫妇，虽然婚前盛品儒曾被爆夜会靓女，不过二人携手挨过偷食风波，更于2014年11月拉埋天窗，随后二人更育有一对龙凤胎，太太Michelle不时会在Facebook晒出一家大细的合照，生活幸福美满。不过最近圈中突然惊传二人感情破裂，甚至已经秘密离婚，令不少人感到震惊，为此《香港01》记者联络两位，尝试了解事件。

盛品儒闻言后极力澄清：“冇冇冇！因为可能上年我有啲事去咗大陆出差，你知道未通关之前去大陆唔方便，所以我系大陆Stay咗半年到八个月，可能有啲人冇见到我哋一切就咁样传，之前朋友都咁样问我，我就话‘冇啲咁嘅事！’”随后，盛品儒透露自己已经回到香港，不过都唔代表两公婆有得见面：“但系宜家到我老婆出差啦！不过佢好快返香港。”虽然盛品儒因为公事离港大半年，不过坦言没有因而影响夫妇之间的感情：“我哋好开心，平时都会送花，我哋宜家嘅注意力系仔女身上，同埋做嘢为先，可能十周年纪念会大搞。”

之后，《香港01》记者就尝试联络Michelle，她表示两公婆感情良好，同样认为有机会是丈夫都在内地工作，令不少人有这样的想法，不过她透露因为二人的工作都非常繁忙，因为都会珍惜相处时间，当中居然抱怨丈夫：“得闲我哋会一起去睇戏。我等他返来陪我睇阿凡达，等咗4个月，次次发信息都同他讲‘啲朋友睇晒阿凡达吖！我都未睇 ’系咁哦佢”，Michelle直指对方“非常之唔浪漫”，不过盛品儒打算送礼物补偿，Michelle透露：“佢次次话我已经有好多爱马仕包包，又自己做珠宝钟表生意，佢唔知买乜嘢俾我。我就开玩笑话买飞机俾我。”