曾比特亮上ViuTV无辜被网民寸返大陆揾人仔：有机会边度都会去

曾比特（Mike）今日（3/3）现身尖沙咀出席《博爱欢乐传万家》记者会。提到早前亮相ViuTV节目《MM730 - 粉丝福利署》，被不少网民留言寸爆：“佢唔系揾人 仔咩?”、“730咪 阻人北上发达啦，阻人档期，揾呢个嘉宾嘅，自己反省下啦！” 、“番tvb啦” 、“今晚一 见系佢即刻熄电视”。

Mike接受《香港01》访问时无奈表示：“其实我就会咁样谂，我作为歌手，我系好希望用我嘅音乐作品去感动到人，去话俾大家知曾比特系一个点样嘅人。而我可以做到嘅系喺咩平台都好，透过佢哋令大家知道我嘅作品，我已经系好足够。（平时有冇睇番言？）其实留言我已经好少睇，因为都开始好忙。（下次会唔会再亮相ViuTV节目？）我觉得系最紧要有机会边度都会去，最紧要好玩又开心。（几时北上再工作？）咁要问问身边嘅同事先。（最紧要系唔好一个人上去做嘢！）咩都要问嘅，无论做咩都好，最紧要清晰。咁现阶段都要公司安排。”