专访｜Anson Lo搏命工作望照顾好父母　健康现警号：身体终顶唔住

撰文： 邝钰莹
出版：更新：
Anson Lo表示《MONEY》所谈及的价值观是他近年所学到的：“入行耐咗，压力愈大。而压力系用钱都衡量唔到嘅嘢，另外健康、休息时间都买唔到，想带出人要活得开心先系最重要。”（陈顺祯摄)

Anson Lo（卢瀚霆）早年为了追随梦想，放弃了大学学位，开始任职舞蹈老师，刚入行时收入微薄且遇上种种难题。日前他为新歌《MONEY》接受访问时，被问到比起当年，如今是否更快乐时，他说:“以前跳舞嘅快乐纯粹真系教人，望住好多学生由唔识到识，系一种满足感。依家比以前快乐，因为屋企人冇再咁担心自己，见到佢哋对我感到自豪，个满足感系更大。”MIRROR队友开始买砖头或经营副业，但Anson Lo坦言对投资零心得，目前只想努储钱，为的就是可以令家人生活无忧，而这个亦是他的工作动力之一。

Anson Lo：“最钟意系夹万呢个场景，因为系心里好想要嘅嘢，所以一早同导演讲，而佢又真系砌到一个少少vintage嘅夹万出嚟。”

访问中，Anson Lo不止一次提到能够把父母照顾好，那种快乐足以盖过养家的压力。“佢哋见到我依家做紧嘅嘢真系开心，同埋好多人支持自己个仔，系会令佢哋觉得安稳同有安全感，而我又会因父母有呢种心情而开心。”为了令家人有更好的生活质素、住更大的地方，出名肯搏肯挨嘅Anson Lo近年多次令身体发出健康警号。“最近系饮食唔够均衡同定时，其实呢一两年我食得比较清淡，见完医生之后，佢建议可以食多啲有味嘢。𠮶日晕系因为我冇食嘢同饮水，所以身体顶唔住，我有问医生以前都顶到，点解依家唔得，佢解释系因为累积落嚟，终有一日顶唔住，叫我要当系警号。”他解释自己向来怕麻烦别人，加上当日活动“齐镜”，所以就算感到不适依然死撑。

MV中的小风车是银行家童年珍而重之的东西，现实中，Anson Lo的童年三宝包括：钢琴、巨型巴士以及鱼缸。“鱼缸对我来说系好珍贵嘅回忆，如果唔系细个养鱼，依家都唔会咁惊鱼。”（陈顺祯摄)

为了解除警号，Anson Lo已将饮水定为每日的头号目标，再加上教母的爱心汤水，希望能够做到养生效果。曾经表示自己系“瘦底”嘅Anson Lo，于《MONEY》MV中轻露纤腰一幕，令神徒心痛之余又禁不住劲猜纤腰尺吋：“我最瘦系27吋，依家都系，就算大家见我见大只𠮶阵都系30吋。近排瘦系因为少去gym，又冇迫自己日日食5餐。同埋我本身瘦底，每日5餐再饮埋protein shake系件好辛苦嘅事……”

身体多次发出健康警号，Anson Lo表示教母尤其担心:“呢个星期就算好夜返到屋企，都会见到有大壶汤。”除了汤水，现时每日开工前都会先医饱肚。（陈顺祯摄)

去年仍未冲突“露额”心理障碍嘅Anson Lo，踏入新一年，为配合《MONEY》，于MV中露全额之余，仲玩埋雀斑妆，确实够惊喜。他解释除了是因为想在音乐上为大家带来新鲜感，亦希望在造型及发型上有所惊喜，并笑言是对自己的额头愈来愈感到自信。问到下一个突破会是什么，他说：“长发真系未试过，不过留长好难，因为之后拍戏要连戏，短期内未必做到，但有机会的话会想试试。”

+3

Hair ：Denny ku @ Chic Private I Salon

Makeup：Rainbow Chung @Annie G. Chan Makeup Centre

Mayling Suen @Annie G. Chan Makeup Centre

服装：Louis Vuitton, Giuseppe Zanotti

场地：The Henley