汪明荃心痛蔡天凤英年早逝：点解香港咁好都会发生呢啲事？

汪明荃今天（26/2）出席《好市民奖颁奖典礼2022》，以一身鲜艳晚礼长裙亮相任颁奖嘉宾，大方又得体！

汪明荃入行多年，为人友善又乐于助人，深受圈中后辈喜爱。今个新年她曾煮一桌美食招待Mirror三子吕爵安（edan）、卢瀚霆（Anson Lo）、李骏杰（Jeremy），汪明荃大赞三人性格乖巧！提到日前Anson Lo（卢瀚霆）出席身体抱恙晕倒，阿姐闻言担忧表示：“太攰啦，可能啲嘢排得太多（点睇新一代艺人经常做无得休息？）我哋𠮶阵时已经系咁，冇办法，有时忙、工作多，咁你唔够休息就会，所以唔可以太忙，唯有经理人计好啲时间，咁艺员都要休息㗎嘛。”

另外，提到汪明荃有份出席2月19日TVB赛马活动，恰巧同日蔡天鳯（Abby）亦有出席，被问到二人有否碰面？阿姐表示：“唔系好留意到，佢有去咩？其实𠮶日好忙（阿姐有冇关心呢单新闻？）紧系有啦，因为大家都觉得好恐怖，香港咁好嘅社会都会发生呢啲事（阿姐系咪好心痛？）系呀系呀，咁样毁尸灭迹，唔知个身体、个头去咗边啊，希望快啲破案啦。”