姜涛再现身紧张又开心 IG潜水非因恶意批评：连手机都好少玩

自年头的《叱咤乐坛流行榜颁奖典礼》后一直未有露面的姜涛今日（24/2）终于归队，与MIRROR兄弟出席于尖沙咀举行的保险公司宣传活动。他于活动上与成员玩游戏时露出灿烂笑容，心情相当不错，闭关53日的他接受访问时亦有透露脚伤康复情况以及心情等等，仲叫大家“唔使担心！”

有一段时间没有公开露面的姜涛坦言有少少紧张，不过很开心：“私底下12个都好少齐人，今日见返齐人都好开心。”他亦很久没有更新社交平台，问到是否因恶意批评影响情绪时，姜涛轻松回应：“我唔觉得系恶意批评，对我嚟讲全部都系好好嘅批评。社交媒体我就真系冇玩啦而家，连手机都好少玩，大家嘅message都好少睇到，纯粹想令自己专心少少，做自己做嘅嘢。”

问到脚伤的康复情况，姜涛表示：“OK呀，唔使担心，做紧物理治疗，好过之前好多，大家睇㖊日嘅打波片就知…冇乜事呀，大家唔使担心、唔使担心。”他续指要做多数个月的物理治疗，医生亦批准可以做运动。但当见到自己打波的片段时，姜涛发现没有“就住打”，更向医生道歉：“对唔住医生…下次都系唔好打。”

明显清减不少的姜涛表示除了打波和跑步减磅外，也有到Stanley的健身室做gym，他表示效果还好：“要继续做，（磅数减咗几多？）冇计，迟啲话畀大家知，可能po嘅第一张相就系自己嘅体重。”至于目标减几多，他就指没有这个习惯，但都要“畀压力自己”。

姜涛最近亦买楼荣升业主，他笑言：“呢个就系放松方法，希望广告商多啲揾我。（自住定放租？）考虑紧，本身谂住自住，但而家搞成咁，可能畀屋企人住啰，可能，商量紧。”有指姜涛新居附近的楼费亦因而提升，他搞笑回应：“所以谂住而家买完，即刻卖返出去。（Edan：你可唔可以买我哋住𠮶啲区？咁我哋放出去。）”AK不禁大赞Edan：“叻，我哋有发达大计。”

点击睇更多MIRROR靓相：