刘浩龙被侧田狂寸 网民留言抵被曹格打：大家对佢误会晒

刘浩龙（师兄）今日（22/2）于西九文化区举行新工作室开幕礼，获得不少圈中好友拍片祝贺。师兄表示：“其实筹备搞呢个工作室都有成9个月时间，当中又要做好只歌，又要拍好个MV，所以用咗咁耐时间先完成，今日能够同大家见面，心情非常感动，好似人生大事咁。”

另外提到好友侧田亮相其YouTube 频度节目时，尽显豪迈一面，多次用言语攻击他。事后不少网民留言负评侧田：“而家知道点解当年会被曹格打。”师兄为好友侧田平反：“其实我同侧田都识咗成20年，大家相处模式系咁样。相反有时可能我对佢会无礼貌。我谂大家对佢都误会晒，咁所以好希望大家唔好误会，我亦都代表Eric Kwok（郭伟亮）同侧田讲唔好意思。（报道出后，侧田有否不开心？）佢冇嘢，因为条片剪完之后佢系睇过，佢系希望大家可以睇到我哋呢班识咗咁耐嘅好朋友嘅真性情呈现畀大家睇，咁所以佢系一个非常好嘅人。”