方力申自嘲“屎坑波架生多”单车封麈唔敢见人：太旧款
撰文： 吴子生
出版：更新：
方力申昨日（20/2）现身尖沙咀出席《博爱单车百万行2023》活动发布会。小方表示：“其实我屋企都有一部单车，不过就封晒尘。点解封晒尘，正所谓我哋呢啲系‘屎坑波，架生多’，因为太旧款，出去嘅时候唔见得人，但又系唔想换，加上而家啲单车愈嚟愈贵，闲闲哋一部都要几皮嘢，如果要一只手指都拎得起就更加贵，所以就选择问人借。（嚟近生日揾人送嚟得啰！）我谂佢哋应该要众筹，因为都好贵，边有人送几皮嘢嘅单车俾人㗎。不过唔梗要，其实我都有好多嘢想要，就系啲贪慕虚荣嘅嘢，哈哈！”