梁文礼明赞暗踩梁咏琪引发公关灾难　开咪道歉：我好钟意佢啲歌

商台DJ梁文礼昨日（19日）被踢爆在其私人Facebook帐号上，狠批梁咏琪演唱会“flow差、歌编得差、舞差、当然佢唱得差”，与其公开IG帐号中大赞Gigi“好靓”的言论完全相反而引起外界哗然，更被闹爆人前人后两个样。爆出公关灾难之后，梁文礼今日（20日）如常返工开咪主持商台节目《叱咤乐坛》，并亲自公开解释事件，兼且表示已写千字文向Gigi道歉。

节目一开始，另一主持谢茜嘉即表示“有主持人去睇完演唱会，搞到满城风雨”，让梁文礼亲自解释事件，他表示可能是座位的缘故影响了当日的观感：“我想对团队，对梁咏琪讲句唔好意思，第一日睇完好肉紧喺自己平台写咗应该点做，有少少意见，之后传媒话狠批。一个演唱会有好多面向，观众有自己选取。如果之后演唱会会出DVD我都想睇多次，我接收好多乐迷说话，问系咪睇唔到啲乜，可能我座位角度有啲嘢睇唔到，想欣赏多次。”

随后他又坦言已经向梁咏琪亲自解释兼道歉：“我冇佢联络电话，透过云妮send咗好大段文字俾Gigi，希望佢可以接收我嘅道歉啦，我有话点解我咁肉紧讲，内容唔谂住公开。我想话由佢过去四次红馆演唱会，甚至做许冠杰演唱会，佢出唱片、派台歌我都有细心听，某程度上我唔系作为outsider或所谓主持去狠批呢个演唱会，我系一路好钟意梁咏琪嘅歌，佢嘅歌陪伴我生活、经历，同埋面对种种问题，肉紧听先会有回应，其实我（send呢个message）系向梁咏琪示爱，我好支持佢，希望之后可以见面，我唔系同佢竖敌，欢迎佢之后上嚟我哋节目倾偈见面。”他又赞Gigi“佢有六呎高咁嘅大量”，希望对方可以开心好好放假。

梁文礼欣赏完演唱会后，在IG限时动态发文赞Gigi个唱造型好靓，然然在私人Facebook狂踩发文写道：“个flow差，歌编得差，舞差，当然佢唱得差啦~ 其实都预咗，但系无谂过咁离谱，唱K咁！！连《爱自己》都入唔到呀大佬。我全晚都睇得好猛，坐立不安......唯一想赞嘅系，佢短头发真系好靓好衬佢，身形好，将啲丑嘅衫都carry得好，好似呢件‘着上一张抹完鼻血嘅纸巾’咁。”不少网民都睇唔过眼，狠批梁文礼是“双面人”！

然而，不少网民依然不多接受梁文礼的解释和道歉，认为他毫无诚意：“点解出嚟解释到可以冇准备过”、“愈讲愈矛盾”、“咁X大单公关灾难，好心度下稿先啦”、“临时爆肚心慌到自己讲乜都唔知”、“佢讲乜我都唔再信佢了”、“都几厚面皮”。