MIRROR下周五全员出席保险活动 Edan吕爵安：我有信心会齐人
撰文： 陈芷颖
出版：更新：
将于3月开锣的“HKT西九音乐节”今日（15/2）举行记者会公布有关详情，出席的歌手包括MIRROR成员吕爵安（Edan）、方皓玟、洪嘉豪和卫兰等等。Edan与陈卓贤（Ian）将于4月1日演出，但Edan受访时坦言未知当日演出流程，亦未知会否与Ian同台演出：“以我所知好似未有太多合作空间，未敢讲定，但会尽量睇下有冇得crossover。”首次独自于台上唱一小时，再加上是户外骚，Edan直言紧张又期待：“会好努力去练习。”
Edan将早前出席巴黎时装周的片段剪成Vlog与网民分享，他化身“落机E”又Rap又唱《Paris嘅Gang Gang》亦大受欢迎。Edan笑言自己很喜欢这首歌，更收到音乐人一丁的邀请出Rap歌：“我话咪玩我，我试下咋，但都几钟意呢类型嘅歌，高尔宣嘅歌之前喺演唱会都有cover，唔知未来会唔会有呢个机会。”至于会否以“落机E”身份闯乐坛，他表示：“如果Rapper用‘落机E’呢个名就太弱啦，似搞笑艺名多啲。未必会用呢个名，但IG po可能间中会用下，希望迟啲出多首畀大家听。”
有指MIRROR将于下星期五（24/2）齐人现身保险活动，问到姜涛会否出席，而12子又会否如期齐人现身，Edan直言：“呢方面...等公司安排，我都唔知，suppose应该齐人。（Anson Lo今朝做访问都话临阵可能有变数，未知可唔可以齐到人）系咪呀？好难讲㗎嘛啲突发事件，我觉得应该会齐人嘅，我有信心会齐人，期待咗齐人好耐。”至于姜涛的情况，Edan透露：“佢好返㗎啦，工作都有见到佢，大家放心，唔使太担心。”