张达伦认教仔消耗体力大：佢嘅活跃程度几恐怖

张达伦（Max)今日（15/2）带同太太陈凤玲（Kimmy）和儿子张凯硕（Zachary）现身尖沙咀海港城出席Cracking Art“动物来袭”公共艺术展，共同推动环境保护概念。Max受访时笑言：“㖊日我同阿仔讲，话今日会带佢去动物园玩，会有企鹅大笨象同鳄鱼睇。点知嚟到原来全部都唔郁，跟住佢就好似只企鹅咁，企喺度唔郁，好似有心事咁。”身边Zachary接著说：“我好唔开心。”Max回应说：“头先见你跑嚟跑去玩得好开心，你话你唔开心，讲笑咩！你话开心先！”Zachary天真表示：“开心。”

阿Max表示：“其实而家个仔佢开始大，我系要用好多嘅体力陪佢玩，少啲精神都唔得，尤其脑力系最费神，因为要谂点样去教导佢，点样去栽培佢去发展，同时又唔可以控制得佢太犀利，你睇佢而家咁，佢嘅活跃程度几恐怖，所以话打呢份工系一啲都唔易做，仲要系一世，哈哈！”