专访 | 陈湛文疫情下要做主题公园 被认出唔尴尬：我要赚生活费
陈湛文（Peter）与袁澧林（Angela）首度主演ViuTV新剧《杀手废J》今晚（15日）迎来大结局，首度合作的两人默契十足，连戏外都是一唱一和。戏中陈湛文虽然是“废J”化身，现实中却让人感到可靠又成熟，处处维护袁澧林；外表看上去小鸟依人又文静的袁澧林，原来个性直率又落落大方，不介意公开承认恐惧和弱项。
说到近来成为谈论度最高的演员之一，袁澧林承认怕攞奖，“我有发梦，我攞奖就大镬，我前一晚惊得好紧要，我好怕‘Overrated’（被高估）呢个Comment（评价）。”旁边的陈湛文听后幽默勉励袁澧林：“成日都咁讲，佢上到台又好好，对答如流。”袁澧林立即笑住反驳：“你都未见过我Stage Fright（怯场）。”
摄影：梁碧玲
试镜《杀手废J》一击即中
去年可说是袁澧林的丰收之年，在电影《窄路微尘》中大放异彩，更有份角逐香港金像奖影后，又开拓新戏路尝试喜剧，试镜以Fit爆状态一击即中。彼时《窄路微尘》仍未上映，袁澧林原本对《杀手废J》试镜信心不大，她忆述：“Casting有朋友去先嘅，我都谂我可唔可以去到呢个Casting呀，之后我好快收到呢个通知啦！我好容易乱谂，就系点解有朋友去先过我，有好长一段时间，我对我能力都系一个问号，所以𠮶次系我人生做到最好嘅一个Casting，唔知点解紧张得嚟又好松。”
大赞《杀手废J》编剧水准高
《窄路微尘》和《杀手废J》不同在于前者难度更高，需要张继聪带入戏，袁澧林说：“因为我唔识去Read一份22日都有我嘅剧本呀！每一页都会见到我。其实入面好多功夫，入面点样串连角色线、大家点样沟通，所有发生嘅嘢都会影响返佢。”至于《杀手废J》，袁澧林则大赞编剧水准高，“好无厘头、无聊、呢啲节奏嘅嘢我未试过，我第一次。”
姬蒂白兰芝为100分完美：我系16.9分！
袁澧林近年演技逐渐备受认可，自信和外界认同都大增，不过她自认仍处于“Becoming”阶段，心中最完美形象是影后姬蒂白兰芝（Cate Blanchett）：“如果姬蒂白兰芝系100分，可能我系16.9分，可能去到90岁就好似Cate Blanchett咁，我嘅Becoming就嚟越来越完整啰！但你又会遇到更多角色，不过自认Complete（完整）咗就好难进步。”她谦称只有《窄路微尘》一套戏做得好，先为观众打预防针，“嚟紧有啲戏系做得好差，你哋未睇到咋！”
袁澧林不认为由MV女神转型做演员很难，她说：“由头到尾都觉得自己系做呢样嘢，但等紧机会啰！有分外在同内在，就算外在自认系演员，但内在都需要作品帮你讲嘢。以前净系MV嚟揾你，你咪做好MV佢啰，自然就有其他嘢揾你。”
陈湛文不怕迟起步：我要50岁先不惑
陈湛文去年凭剧集《IT狗》、电影《饭戏攻心》弹起，做过文员、主题公园职员，始终放不下演员梦。谈到是否担心40岁之后戏路变窄，陈湛文乐观调侃自己道：“我份人就不嬲比人迟起步嘅，古语有云，三十而立、四十而不惑，我就系30岁就‘也也乌’，40岁先立，可能我要去到50先不惑。总之唔好被归类为宅男、毒男、边缘人、废L，总之唔好被归类为𠮶边就好想试啦！”
拍完《三夫》做主题公园：我唔会理你认唔认得我
陈湛文2018年拍电影《三夫》入围金像奖“最佳新演员”，疫情来袭后被迫转行做了大半年主题公园，期间可曾怕人认得尴尬？陈湛文看得很开：“冇人认得，少量同事知。本身套戏又唔系好多人知，呢排上返串流平台，啲人先见到，咦？系佢。因为𠮶阵我要赚取生活费，我已经唔会再理你认唔认得我，我同你喺同一间公司，赚取同一份粮。”
女细老婆嫩不担心养家
陈湛文已婚育有一女，女细老婆嫩，他不担心做演员难养家：“直至而家都有呢种担忧，永远唔知呢个世界发生紧咩事，唔知个市会唔会突然冧、停摆，呢啲冇得捉。”成名后，奶粉钱是否更易揾了？陈湛文笑说：“唔可以咁讲，伴随住小朋友嘅成长，只不过系以前系奶粉，而家系啲衫唔啱着、返学、搭车，使费依然系大啰。”
陈湛文：
眼镜：eye’s Buddy feat. VEDI VERO
衫裤：Demic_hk, Liberation_hk
鞋：New Balance
袁澧林：
发型：Oscar Ngan@Orient 4
化妆：Jenny Shih
服装指导：: Daniel Cheung