《流行都市》女主持疑似连环失守　当事人姚嘉妮回应：真系疏忽咗

无线节目《流行都市》跟《东张西望》一样有多位靓女主持，并常以紧身衫、短裙等示人，但早前网上突然疯传姚嘉妮、宋芝龄（Adrianna）、黄嘉雯（Carmaney）等主持人坐低时疑似走光的画面，相关的截图更在各大的社交网络平台上引起讨论，而《香港01》就透过电话联络几位受害者了解情况。

姚嘉妮：梳化椅低咗少少

姚嘉妮马上澄清事件，表示：“其实我哋做咗咁多年《流行都市》都会着晒裤喺入面，每一套衫都系公司安排畀我哋，你哋见到嘅都有打底裤。我哋都要留意下，今次真系疏忽咗，我哋都会多加留意。可能梳化椅低咗少少，所以转一转脚好容易见到，同埋𠮶日件衫真系窄，所以经过今次之后我哋都会多加留意。”被问到之后一众主持人的衣著是否会有改变时，姚嘉妮认为服装上不需要有变动：“自己留意返唔好咁样跷脚，唔会因为咁我哋转晒着长裤，Designer帮我哋借嘅衫都会照常着。”

宋芝龄：一、两秒被人Cap图都冇办法

而宋芝龄对于事件感到无言：“讲真咁无聊，全部Artist都有打底，我唔回应啊，太无聊啦，唔通话我同大王（安德尊）系一对我就要介意啦，全部都系花边新闻点理得咁多。同埋我哋啲摄影师好好人，如果真系走光都会话你听。𠮶一、两秒被人Cap图都冇办法（系网民放大件嚟讲？）我觉得系挂，可能呢个节目太受欢迎。”

宋芝龄更透露无线（TVB）亦没有太关注这次的事件，因此公司亦没有与她们谈话。讲到她与黄嘉雯因为坐上同一张椅子，发生疑似失守的情况出现，宋芝龄马上问到：“Carmaney佢都走光咩？（张相打咗格仔）𪠳！得个0.01秒，我谂系冇走光，只不过条打底裤唔够长，其实好少事啫。”被问到这次事件后，摄影师的拍摄角度会否有所提高时，宋芝龄表示：“我返工唔见有人特别讲，我唔知下个礼拜系点，要再睇下。”