郑少秋都试过冇工开　饮啤酒度日好颓：喺屋企唔知点算好

2017年除了是汪明荃入行50周年，还有郑少秋秋官。他将会5月举行50周年演唱会，近期接受包括商台《云妮钟情》和《有谁共呜》电台节目访问，回顾50年来在演艺生涯的心路历程。不过，郑少秋都好有时代触觉，深明观众最难忘的就是他的Fusion菜歌《香港料理》，扬言演唱会一定会唱潮歌：“Hip Hop就梗要跳嘅，《香港料理》就一定要唱嘅，因为佢哋（观众）话系K-Pop始祖㖞，又话要跳返𠮶啲舞㖞，咁要唱啰。”其后，秋官还透露与吴岱融之间有段“情”：“话说吴岱融就话佢喺新加坡当兵嘅时候，听我只碟《天涯孤侠》去过日子，佢同我讲好欣赏我嘅歌，所以今次都会喺演唱会做嘉宾咁。”

初入行即陷半失业　靠织棉纱帮补

秋官入行50周年，点少得讲起入行经过？他16岁就参加训练班，“当时就冇咩心机读书，就发下明星梦，最初老豆都唔系好睇好，因为佢系教书，始终都想我哋读好啲书，咁我阿妈就好支持我去做嘅，不过总之就唔多人睇好。入咗去之后，就有参考下谢贤佢哋呢啲咁成功嘅例子，希望自己都可以好似佢哋咁啰。”加入训练班之后，秋官就得到一次演出机会，做话剧《手足情深》，更凭此夺得了最佳男主角，他笑言：“人一世就系得呢次拎最佳男主角，之后就冇再拎过啰。”得奖之后，他就到电影公司试镜，终于做到明星。

秋官签了电影公司后拍了几套粤语片，可是当时正值粤语片面临式微，所以无工开：“当时冇嘢做，但奈何张约未完，我又接唔到其他嘢，日日喺屋企唔知点算好。”年少想发明星梦的秋官，讲到零工作初期生活过得很靡烂：“当时日日就坐喺屋企，又学下人饮下啤酒咁啰，好似好低潮、好困苦。”后来秋官发觉要有一技之长，方能够生活下去，所以有尝试过转行：“最衰有个朵，唔能够出去做嘢。有个朋友喺棉纱厂度做，咁佢就喺厂到拎绵纱，后来我就自己投资，叫个朋友喺厂买个机器返嚟，仲要慢慢去厂到学织。”但唔知点解，低潮时做咩都黑仔过人，因为技术问题，最终不能交货，结果赔了夫人又折兵。

唱歌翻身红遍女人街

幸好天无绝人之路，除了织棉纱之外，秋官还会唱歌，后来有朋友介绍，可以到歌厅唱歌，最后有机会出碟《爱人结婚了》，而迅速走红。秋官提起此事，都非常开心：“当时首歌红到连女人街几乎每个铺头度播，有人话女人街播咩歌，就代表红咩歌。”直到1976年，秋官有机会做拍TVB第一套武侠剧《书剑恩仇录》，“好多人都估唔到系我做，之前又系马来西亚做嘢，食返肥啲，可能咁样就揾我试下。”郑少秋因为此剧，开始建立深入民心的大侠形象。可是秋官做得多大侠，就觉得自己被定型，长此下去都不是办法。于是1992年，有机会在《大时代》做丁蟹，郑少秋都放手一搏，接了此剧，好在反应都好好。当重提到“丁蟹效应”这个话题，秋官就话：“我冇因为咁而唔开心过，我份人都好随和，好明白做呢一行，好多时都系笑骂由人。”