苏施黄完成最后一次化疗迎68岁生日　曾暴瘦十磅：屙呕11日

本月中踏入68岁的苏施黄，去年10月自揭患上大肠癌第三期，随即开始接受化疗，积极面对病魔下，苏施黄已完成最后一次合共4次化疗，并在网上与大家更新近况。

不少癌症病人做化疗电疗都有副作用，苏施黄在病房拍片仍相当精神，并分享几次化疗以来感受：“第一次化疗都OK，第二次最惨入院住咗7日，前后夹埋屙呕咗11日，记得入院时134磅左右，到出院只剩124磅，连金小姐（金燕铃）都惊。好在过几日食返嘢都好快回复磅数。第3次做化疗就醒啦，完咗都继续食止呕药，点知又嚟料有新嘢，啲皮肤非常干，直情除衫时啲皮屑粉飞一样，脚摸落去好鞋好干，搽极CREAM都无用。”

即使治疗再辛苦，苏施黄都乐观面对，原来全受一位已故好友影响：“大部分午餐都系自己煮，又会出去打波，起码心理上话俾自己知无事。有位朋友曾患8次癌症，我喺佢身上学到好多嘢，唔好问点解会病，点解发生喺自己身上，同埋从不抱怨半句。好似朋友咁佢嘅精神、经历，教识我地好多，好似食标靶药唔好直接放入口，用面包夹住食唔会烂口，我自己就无烂口但就麻痺，食嘢唔太食到味道。”