“贾名媛”邱芷微心爱鹦鹉被“劫走”伤心难过：系有预谋

“贾名媛”邱芷微（Chelffy）今日（3/2）现身湾仔会展宠物节出席新产品发布会。Chelffy透露曾有过一段饲养宠物不快的经历，虽然事件已过多年，但旧记忆深刻，好像沥沥在目：“喺我5岁嘅时候，因为我妈咪就买咗一只鹦鹉返屋企，妈咪于是将鹦鹉连埋个雀笼放咗喺阳台度养，每日都会有一群嘅麻雀飞嚟同佢倾偈，但唔知系咪我冇陪佢倾计，佢可能同啲麻雀投诉我话我唔理佢。点知后来，有一日我放学返到屋企，见到个雀笼破烂咗，而只就唔见咗，我𠮶刻系喊咗出嚟，劲唔开心。而家谂返，𠮶群麻雀系有预谋劫走咗佢。自此伤心过后，我决定唔再宠物。”

对于《财政预算案》即将公布，政府会否延续过 去两年做法，第三度派发消费券。Chelffy表示：“其实如果有得派咁梗系好啦，始终我都系纳税人 。（政府财赤千忆，担唔担心派钱会为政府造成压力？）我觉得凡事都正面谂，因为每一次佢派亲嘅时候都会刺激到经济，成条街真系成棚人，系好多人消费，真心系好开心嘅，始终疫情都咁耐好多人都冇出街，其实派钱都系一件好嘅事嚟嘅。”