符晓薇宣布宝宝剩48天出世　惟医生评会早产Leanne唔敢清胎毒

陈柏宇（Jason）与老婆符晓薇（Leanne）2017年结婚，4年前诞下囡囡陈羿辰（Abigail），一家三口相当幸福。2年前Leanne曾因宫外孕大出血，至上年10月终传来好消息，Abigail拿著超声波照宣布要做家姐啦。

Leanne今早透过IG宣布，BB女仲有48日就同大家见面，而Leanne直言大家姐系36周未足月就急出黎，担心第二胎同样会早产：“2月啦，仲有48日，希望妹妹乖乖等48日出黎，因为大家姐系36周未足月就急出黎，所以医生估计今胎都会早产，但标妈我想坚持39周后先出黎，所以今胎完全唔敢咁早清胎毒。”

其实两夫妇一直想追多一个小朋友。2020年Leanne曾拍片自爆宫外孕：“医生话系宫外孕爆咗输卵管，医生都有畀我拣切除定修补，最终我决定切除（左边输卵管）。”至2021年新年再度怀孕，却不幸地胎儿验出患上爱德华氏症，Leanne再次经历伤痛并心痛表示：“我相信这一次会是我最后一次怀孕，我已经没有勇气去承受再一次的打击。”如今终于顺利怀有第二胎，大家都纷纷集气，祝Leanne顺利诞生健康宝宝！