吴若希上载女儿脚印照 透露五官似足男友：唯一似我嘅系下巴！
撰文： 温菁莉
出版：更新：
今早正式升格做人妈咪，诞下囡囡Giselle的吴若希，生完BB唔够24小时，晚上她终于更新Instagram，她在IG上载了一张囡囡的脚印照，并写道：“我个乖猪今日出世啦～虽然连续痛了22个小时，但是看到她健健康康出生，所有的痛都好值得！2.88KG的小宝完全是爸爸的翻版～还好小下巴像我 Um⋯ 我有点累了～ 大家满满的祝福都收到了，谢谢。”唔少艺人好友见到后都有留言祝贺！
其实较早前，刚诞下囡囡的吴若希已接受无线电话访问，表示今次是顺产，阵痛了20多个小时，仲形容自己“攰到昏迷”。她透露男友Alex亦有陪伴在侧，更有帮手剪脐带。吴若希表示以为自己一见到BB会喊，“但其实系冇力喊，不过真系好开心，医生话我好叻。”而吴若希亦指囡囡除了下巴，五官同手脚都似足Alex：“唯一似我嘅系下巴，下巴兜兜咁！”至于之后会唔会再追多几个？她直言唔会咁快：“除咗唔想miss个女嘅成长，自己都要出返嚟做嘢，如果唔系就会同社会脱节啦！”