大诚实家 专访｜何启华做传销员全靠厚面皮　Asha为爱情豁到癫

蔡瀚亿（BabyJohn）于剧集中剧集《大诚实家》中，因突然失去讲大话功能而令自已沦为阶下囚，失去事业与家庭。BabyJohn表示第一次收到剧本时已经睇到落泪，访问中，他多次表示感谢“卢文乃”的出现。“我同若玲（徐思乔饰）系好纯洁咁开始，慢慢发现好闷，然后对佢唔好，到后来发现所有嘢都系错……之前有人问我会推荐套剧畀咩人睇，我觉得系两公婆，特别系有小朋友嘅夫妇。好多时大家都会因为工作或者其他嘢而忘本，呢套剧系可以提醒返一段关系嘅本系咩。人就系咁，take it for granted，但当我喺进行卢文乃𠮶两个月，甚至第一次收到剧本，我读到后半截，一边睇一边喊。自己入行时间都唔短，有好多嘢譬如摆位、取决上都会令自己忘却或忽略咗啲嘢。同卢文乃相处过后，整理咗好多年嘅垃圾，所以好想多谢佢。”

何启华（Dee）拍毕后感受未及BabyJohn深，但原来他当年也曾做过传销员，他笑言：“当时有朋友介绍做美容院sales，讲啲嘢真系好《大诚实家》对白‧当时可能系呃到客join plan，我就分到20元佣，但我仲要比100元上堂，𠮶时仲真系谂自己将来会唔会有一日好似讲师咁驾法拉利。我最后甚至系问哥哥借钱去上堂，比完几万元先知中伏，后来系因为舞台剧将我拉返出嚟。”

《大》虽然是喜剧，但Asha却不昤需要哭哭啼啼，上一场可能仲开开心心，下一场已经要崩溃爆喊，为培养情绪，经常要“柄”埋一边，连Dee都话似怨灵。Asha透露当初casting时，导演问了她很多关于爱情的看法，又问她可以几豁。“我本身对事业都冇咁进取，但爱情就真系会冲，当年喺英国读书，我造求紧一个女仔，佢生日，我不怕逃学、问朋友借钱搭飞机去畀惊喜对方，我估呢件事到而家我父母都唔知。不过而家冇咁劲，起码唔会开紧剧突然消失，但如果有一日假我都会冲，可能都系怕后悔。”两位男生闻言后，即附和表示“女仔主动系好事”，但Dee强调自己极少拥有这种福份，甚至唔多识与女生相处。“我谂我最浪漫系试过追过一个女仔，当时穷，人穷就有创意，我写低认识佢头30日嘅日记，到后来一齐咗，对方生日，我将本小日记送畀佢。”BabyJohn十分认同爱情需要保鲜：“当你日日对住、好忙咩都唔做时，啲嘢就真系淡如细水变成一缕轻烟。”

对于善意谎言与诚实如何共存，BabyJohn认为重点在于想要得到什么、别人怎样看待自己，他记得刚入行时，获不少前辈提点，但很多时候都会犹豫问定唔问：“经历多咗，会坦白多咗。呢个坦承系好紧要，对方可能会觉得你直、你串，但出发点系心地如何，我想为大家好、想一齐做好件事，呢个坦承系绝对需要。譬如有时拍完一个镜头，我会话‘唔系咁好，想嚟多take，你点睇？’可能对方会因为被阻收工而觉得烦，但我唔想咁易放过。So far未被投诉过，可能大家都感受到我真心为件事。”Dee十分认同BabyJohn的说话，他补充表示：“我自己觉得诚实系对自己，譬如你好钟意做戏，咁你付出咗啲咩？呢个诚实系你对自己嘅一个交代，我喺呢行都见到好多好唔诚实嘅人，呢头话自己好想做呢样嘢，转头去赞老板好靓仔。”

化妆: Winki Tsang(BabyJohn) ;Deep Choi(Asha); Cori Wong @Annie G. Chan Makeup Centre(Dee)

发型: Eve Chiu(BabyJohn) ;Terrance Chan(Asha); Harris Lai @CHIC Private I salon(Dee)

服装: ISSEY MIYAKE(BabyJohn) ;Emporio Armani(Asha); Ports V, Rickyy Wong, All Saints, Christian Louboutin(Dee)

造型:PIPA Creative(Dee)