麦玲玲爆微调化妆有助提升桃花运 爆男仔最爱理想型：唔使系女神
撰文： 邱爱霖
出版：更新：
来到农历新年，当然不少得堪舆学家麦玲玲讲述新年运程和贴士。近日麦玲玲接受内地电台节目《丽人丽语》访问，谈及不少人都想透过整容改善桃花运，麦玲玲就承认整容可以改善外在缘分，“如果你系要出嚟见人，做节目呀、或者平时要见好多人，其实靓少少系着数啲。”
麦玲玲续强调，最重要是“唔好整坏咗”，她说：“其实透过整容，或者化妆微调都可以令亲和力强啲。举例如果你颧骨好高嘅，出嚟啲人见你，哗，睇上去好酷、好恶㖞，唔好同佢讲嘢啦，阵间佢会唔会寸我呀？男仔都会咁谂，怕冇面㗎嘛！”
麦玲玲认为微调或化妆淡化颧骨位，以及搽柔和色唇膏均有助增加亲和力，从而提升桃花运，她说：“男仔钟意咩呀？邻家女孩呀嘛，佢觉得好似邻家女孩咁，又生得靓，梗系好㗎！佢唔使女神，女神攞嚟望㗎咋。所以如果你面相可以做到𠮶个感觉，就梗系好啦！”
麦玲玲又醒大家几招教追女仔：“好多男仔问点解追唔到女仔，因为你个人唔过瘾，你闷蛋一样。”麦玲玲认为追到女仔的不是有钱人或靓仔，便是风趣幽默的男仔，“唔使靓㗎，你同佢倾偈好开心，都系追求呢种感觉咋嘛！有啲男仔话题终结者嚟，你同讲咩佢都停咗，你话点搞呢？”