专访︱ANSONBEAN认迷信自爆着红底裤催运：要追溯返《造星》时候

来到兔年的年初六（27/1），活力十足的ANSONBEAN（陈毅燊）就一边砌全盒，一边与《香港01》的读者分享新年大计和小计。年纪轻轻的他大爆自己比屋企人更迷信，深信着红底裤会带来好运，所以除新年外，他几乎每天都会着红底裤，专访当日亦不例外：“因为今日系比较认真嘅嘢，需要自信，着咗红色底裤感觉上劲啲。”至于红底裤催运的由来，ANSONBEAN说要追溯至三年前参加《全民造星III》时。

详谈新年大小计　望年尾开演唱会兼出碟

谈到新年大计，ANSONBEAN笑言有两种，一种是专注在自己身上的“小计”，另一种则是工作上的大计。他先细谈生活习惯上的小计：“自己想睇多啲书，打返多啲坐，等自己头脑清晰啲。同埋培养返再好啲嘅生活习惯，上年系正常咁食加鸡胸，今年食返白饭为主加啲鸡胸。”而工作上的大计，他希望年尾能举行演唱会及推出新碟，亦希望可以拍动作戏及挑战演奸角：“演戏上想塑造奸角嘅形象，《怒火》我见谢霆锋做得好入神，同埋做奸角好似更加好玩，试到唔同嘅嘢。除咗动作，都会想试多啲奸角嘅角色。”

跟从家中传统年初一唔洗头　自爆着红底裤催运

砌全盒时，ANSONBEAN对各样贺年食品的名称和寓意显得一知半解，他解释全盒通常由家人预先准备，再加上他觉得全盒的食物不美味，所以没有太大兴趣：“我好少去问咩嚟，我细个多手食咗之后就觉得冇咩兴趣啦。”虽然对全盒不了解，但ANSONBEAN却会跟从家中传统“年初一唔洗头”，更自爆会着红底裤催运：“唔系新年时都会着好多红色底裤，而家要谂下点样可以再红啲，唔知...可能着（红色）底衫。”

他续指自己比屋企人更在意要着红底裤，至于为何会如此迷信，他指要追溯至三年前参加《全民造星III》时：“要追溯返《造星》时候，好似系𠮶时开始着红色底裤，𠮶时Casting《造星》，我觉得系非常之难同埋好有挑战性嘅事，系生命入面一个超大嘅任务，咁我要做足晒所有准备措拖。除咗上唱歌堂、跳舞，练啲动作之外，我要用埋少少旁门左道令到自己更加劲，着咗条红色底裤运气好似好啲。”

在场记者追问红底裤的数量时，ANSONBEAN大方透露愈储愈多：“而家有就嚟10条，一开始得两条，一条系三角，一条系四方，但得两条，啲表演一密时就会换唔切。（而家有10条可以日日着？）系㗎。（今日都系？）系㗎，因为今日系比较认真嘅嘢，需要自信，着咗红色底裤感觉上劲啲。”

事业路上曾感迷失　学习在做自己与成长中取得平衡

红底裤为ANSONBEAN增强信心，但他亦坦言在事业路上曾感到迷失和挫败。2020年参加《全民造星III》夺季后正式出道，ANSONBEAN指第一年是摸索期、第二年开始发掘和尝试做自己喜欢的音乐，而今年则是实践期。对ANSONBEAN来说，最大的挫败和迷失是如何在做自己与成长中取得平衡：“应该俾自己好似水咁咩都做，但会令到形象唔清楚…定要谂谂自己stand for啲咩，挫折位就系会好lost。市场、观众钟意啲咩都会令到个艺人，觉得咁做会多啲views，不如就咁做，但同时就会迷失咗自己。如果我完全想做咩就做咩又会唔成长，谂下点样成长得嚟，又唔会故步自封。”

发型 : Derek Li @ Xenter Salon
化妆：Jenny Shih
造型：Daniel Cheung
服装提供：yoox（jacket） 、Lanecrawford（shirt）、Farfetch（Pants & sneakers）
场地提供：China Tang Landmark