布伟杰自爆同梁朝伟开工好开心　伟仔关心问：仲有冇系无线做？

有“TVB御用外国人”之称的布伟杰（一哥）在旧公司TVB效力18年，最终在2018年约满离巢，近年专注发展自己与拍档合伙开办的英语教育学校！今天（25/1）一哥在油麻地举行教育学校的宣传活动。邀请到圈中好友麦贝夷、唐文龙及赵哲妤坐阵，大玩英语游戏！

其实一哥早在去年经已开设教育学校，可惜因疫情影响，招生情况不理想，导致学校停办，不幸蚀咗啲钱：“其实好得意，疫情啱啱开始嘅时候我开咗第一班嘅大人学生，个收入唔多，要靠其他兼职，帮人拍啲宣传片，两样兼住先过到生活，未话揾到钱，但系过到生活，食到两餐！”

不过要经营自己的教育事业，需要花费一定时间，被问到会否耽误演艺工作，一哥表示去年已拍摄完成电影《金手指》迟吓会上映大萤幕跟观众见面，更笑言个角色好正，可以日日同梁朝伟开工：“好期待呢个电影出，因为我个角色都好正，可以日日同梁朝伟开工系真系好大收获（有冇趣事分享？）有一日，我哋坐紧喺度等佢哋set灯，佢就问我，你仲有冇喺无线做？我O嘴，佢真系留意到我，我好开心！”一哥笑言离开无线系想有更多拍电影的机会，至于问到会否去内地工作，他表示：“边度要用到我，我就去边到啦。”