唐文龙爆计划与圈外女友结婚 已经见过妈妈：佢唔满意都要满意！
撰文： 许逸本
出版：更新：
艺人唐文龙和麦贝夷今天（25/1）出席由布伟杰开设的教育校学的宣传活动，近年专注在内地拍剧的唐文龙，趁着新年返港陪伴家人：“其实我年年都有返嚟，不过真正长住喺香港就呢六年都好少，每年农历新年我都返嚟两三个月，借着拜年呢个过程见吓朋友。”提到感情事，唐文龙亦不避忌，直言有个拍拖几年的女朋友，对方系北方人，双方感情稳定，文龙表示会开始计划迎娶女友入门：“会有呢个计划嘅，但系迟啲啦，迟少少，到时如果真系会同大家讲！”
不过文龙因隔离措施影响，未有机会带女友见家人，只透过视像交谈，而妈妈亦好满意呢位准新抱：“今年某一段时间会比佢哋双方见面，真人未见过FaceTime有，始终唔一样啦（妈妈好满意？）我呢个年纪，佢唔满意都要满意！”
至于麦贝夷即一直保持单身，自爆平时工作忙到飞起，连见朋友的时间宁愿拿来休息，对于感情她一点也不急，表示好享受目前的状态：“好好呀我觉得单身，好多时间去晒做嘢𠮶到，我好想出去应约啲朋友，但系我真系好眼瞓，我好宅㗎，所以其实好好嘅而家好开心，比我宅一阵先！”