倪嘉雯单身5年唔拣有钱仔做男友　点名要周杰伦被麦玲玲寸大谂头

香港著名堪舆学家麦玲玲和27岁“仙气女神”倪嘉雯（Carmen）今日（24/1）大年初三现身深水埗出席商场贺年活动。台上玲玲师傅得悉Carmen单身5年，便问她有什么择偶条件，对方是否需要具备“财”华？Carmen直指，对方最好识唱歌创作先会考虑。玲玲师傅笑问：“拣要有钱嘅，定系要有才华？”Carman闻后显得有点心大心细，但她最终企硬要才华唔要钱，场面爆笑。

事后玲玲师傅接受《香港01》访问时说：“其实我觉得男人应以‘财’为貌嘅，点知佢话要有才华，要识作曲唱歌嘅创作人，咁佢净系要才华，我惊佢食唔饱，只不过系担心佢啫。不过佢有提过想好似周杰伦咁，佢真系大想头，目标真系好高，难怪佢5年嚟冇拍拖啦。”

Carman接着说：“其实周杰伦系我偶像，咁所以我都想另一半好似佢咁有才华。至于话要才华定要钱，我谂我真系要用一年嘅时间去谂，唯有下年再问玲玲师傅意见。（5年单身你唔闷？）都习惯咗，有时一个人都几自由自在，同埋我系好讲求见到对方有心动嘅感觉，唔系话有才华就得，咁所以我期待有触电嘅感觉。”