专访｜虫草大王陈恩德公开4500万复式豪宅　自爆曾与艺人不欢而散

虫草大王陈恩德（宠物药妆及仍志集团主席），今年继续豪花7位数买年花布置，为豪宅增添新年气氛。虫草大王亦率先向《香港01》的读者拜年，亲自出马带大家参观他叫价4,500万的风水复式豪宅，全屋布置典雅实用，四处都摆满贺年装饰，非常有气氛。该风水豪宅是虫草大王于4年前入手，他笑言：“上一手业主系南亚裔人，买咗3个月就赢咗4、5千万马，跟住就退休，日日睇电视，之后我买咗就租过俾一个立法会议员，呢边好多官住。”

虫草大王买花成狂　劲霸气：成埲墙搬返我屋企

虽然眼光独到，但虫草大王就称很少投资砖头：“有钱咪买啰，我就唔钟意炒，买咗摆喺度储钱。（通常自住多？）吉（空置）多，跟住畀阿妈闹。（吉𠮶啲留俾两个仔嘅？）系呀。”除了买楼，虫草大王买花亦绝不手软，单单在今年就豪花7位数买年花：“平时都买嘅，但一到过年我就会入魔，日日都去买，买到度度都有花。三年前，见到间花铺Display（陈列）位，我就有啲奇想，我想成埲墙搬返我屋企，第二日𠮶埲墙就去咗我屋企。”

点撃下图睇更多豪宅相：

虫草大王自爆曾与艺人不欢而散：净系要钱

过往虫草大王都邀请过不少艺人与品牌合作，他直认明星效应绝对有号召力：“保健品当然优先嘅系效果，但一个专业的代言人，会令到成件事效果会倍增上去，呢个系佢哋嘅重要性，有时好但市场冇人知，其实都系冇用，系一个双赢嘅配合。（所以你都好舍得喺呢方面使钱？）佢哋系值得，我都有超过20年系同艺人合作，都有我个人都觉得好唔掂，但有啲就好专业，系睇到分别。（唔满意嘅位系同点解决？）不欢而散，我简单啲讲，佢哋只系为钱，净系要钱，哪怕自己有冇做嘢。”

虫草大王分享做生意秘诀：有前无后，打死罢就

当有人向虫草大王取生意经时，他每次都会讲“ 有前无后，打死罢就。”他解释道：“即系一系唔做，一系有几尽做到几尽，唔可以畏首畏尾，当然又唔系叫你去做过度嘅投资，系要全力以赴，所以我啲同事都几惨㗎。”

虫草大王澄清冇追Do姐：如果要有都系米雪啦！

感情方面，虫草大王笑言想娶新抱多过娶老婆：“留畀两个仔好过啦，做生意紧要。（怕唔怕啲人觉得你花心？）我知道有人话我过Do姐添。（有冇呀？）Do姐呢啲神级，如果要有都系米雪啦，佢同我合作咗20年，我哋认咗姊弟！至于新年愿望，虫草大王就指将会推出更多针对长新冠的新产品。