与吴伟豪相差16岁演母子　李佳芯唔介意挑战姊弟恋：好惊老过佢

李佳芯（Ali）、吴伟豪（Ricco）、陈自瑶及黎学勤等一众演员今日（15日）出席TVB剧集《有种好男人》宣传活动，在剧中饰演母子的Ali和Ricco现实中虽然相差16岁，但外型却丝毫看不出年龄差，更获网民大赞两人望落更似情侣，希望两人可以有机会拍爱情戏。

Ali以往在不少剧集入面，大多数的男拍档都是比她年长，甚少有机会接触到姊弟恋题材的剧集，她坦言如果对象是24岁的Ricco的话，单单是想像一下都会好大压力：“其实系有压力嘅，男同女嘅压力唔同啦，女仔会好惊自己望落去个样老过佢，或者打扮上会唔会好老，因为女仔会好介意呢啲，好容易成熟过男仔，如果（对方）系廿几岁真系会好大压力！”Ricco笑言：“如果系我对住你都有压力㗎，因为我惊衬你唔起吖嘛！不过都要睇下公司点睇，等公司安排！”

Ricco上星期在《万千星辉颁奖典礼》上夺得“飞跃进步男艺人”的殊荣，“妈妈”Ali都表示感到相当安慰：“我真系喺心入面一早已经觉得佢迟早会攞（奖），当然今年合作完就见到佢攞奖真系好戥佢开心！”Ali又表示，虽然两人在今部剧只是第一次合作，但已经一早看好对方会成功：“其实我认识佢都系《爱回家》嘅“朱凌凌”，我知道佢要做我17岁嘅仔，初初见面倾偈嘅时候都已经觉得佢好稳重，觉得佢唔似17岁，似返佢嘅真实年龄，因为性格比较内向、谂好多嘢，但一开始拍就已经抛开咗自己，呢个对于演员嚟讲好紧要，首先要放低一啲自己嘅习性、同一啲唔应该出现系角色嘅嘢，我觉得佢呢方面做得好好。”

Ricco亦表示非常感谢Ali的包容，又忆述当时两人拍第一场戏的时候，自己因为紧张不断NG，但Ali都交足戏不断喊：“我真系好唔好意思，好多谢你咁包容我真系，thank you！”

新年将至，对于2023年的展望，Ali表示健康最重要，工作上亦可以愈来愈好，Ricco则表示：“希望新一年又攞奖啦！同埋每次参演嘅剧都可以有突破，畀啲唔同嘅嘢大家睇！”