杨盼盼抱孙睇缘份 女儿搞非传统婚礼弃龙凤鈪钻石戒指

杨盼盼的女儿杨慈悦（Jessica）今日与拍拖15年的设计师男友拉埋天窗，群星到贺。签纸仪式后，Jessica接受传媒访问，笑言平时自己好容易喊，今日提到屋企人即忍不住落泪，她说：“我妈咪养我、照顾我咁耐，独力养大我咁耐，想藉住呢个婚礼去多谢佢，好多朋友remind我要做呢件事，尽量想将我想多谢嘅嘢都系for我妈咪为主。”

Jessica与老公的思想较前卫，不是太注意传统的婚礼仪式，但为配合妈妈亦有上头；不过没有穿中式裙褂及龙凤鈪，她展现手上半金半白金的“扭扭型”手鈪，还有老公设计的橄榄型婚戒，虽然不是钻石，但她却甜入心说：“Steve（老公）拣咗一位日本设计师，但品牌冇再生产，最后揾咗个做手饰嘅朋友出一模一样出嚟。我唔知系咩石呀，只要求粉红色，但本身唔钟意传统嘢，我哋本身都唔跟传统，但妈咪真系好锡我，佢本身想买番传统嘅龙凤鈪，但最后都配合我拣咗呢款。”

荣升做外母的杨盼盼大赞一对新人安排周到，问到有甚么评语？她说：“呢个安排系佢哋自己人生大事，全部佢哋自己搞，我觉得 ok啦，佢嘅成长令我有啲惊喜，台上讲话都系用心去讲。”Jessica指以妈妈做榜样？盼盼姐笑说：“佢应该架，哈哈哈，单亲唔单亲佢都要咁样啰，我畀咗好多机会佢自己独立，亦畀咗好多机会佢。”家英哥叫一对新人三年抱两？盼盼姐说：“冇所谓，小朋友要嚟就嚟，但都要睇缘份，唔使畀自己太大压力。佢哋今次都好大压力架，因为经济问题啦，仲有疫情，呢次都搞得咁好，要多谢佢啲好朋友同我啲好朋友。”