万千星辉2022｜曾志伟认录奖门人辛苦　唯有停播：顶到过年唔得喇

无线（TVB）《万千星辉颁奖典礼2022》在昨晚（8日）圆满落幕，各个奖项都已经颁发，总经理曾志伟在接受TVB娱乐新闻台访问时亦表示非常满意：“我觉得其实你真就得㗎啦，个show都好真啦，同埋你睇下每一个得奖嘅人，或者啲人听到𠮶个同事得奖呢，大家都企晒起身鼓掌，即系证明每一个大家都觉得佢应该得，众望所归。”

今届颁奖礼的颁奖嘉宾阵容堪称超豪华，包括任达华、张艾嘉、叶童、黄日华、苗侨伟（三哥）、吕良伟、郭可盈、郑则仕、余安安、汤宝如、刘小慧、陶大宇以及梁荣忠等，现场星光熠熠！曾志伟亦直言自己碌尽人情卡：“每一个宣读颁奖嘉宾名单个个都We哗鬼叫，其实近乎每一个都系我自己亲自打电话嘅，甚至乎其实仲有三个呢系本来要嚟嘅，但喺呢两日里面同时确诊，所以都临时临急要即刻揾人呀。Last大家谂唔到会系任达华同张艾嘉，好多人都话‘电影颁奖典礼呀？’我觉得需要呢啲喺TVB、或者喺我哋行业里面，一啲好受大家尊重嘅朋友返嚟，颁奖畀佢哋，鼓励佢哋。”

提及《开心无敌奖门人》获得“最佳综艺节目”奖，曾志伟就表示喜见大家仍非常支持这个廿几年的节目。不过《开心无敌奖门人》早前播出最后一集，宣布暂别幕前，不少观众都大呼不舍，希望节目继续做下去，而曾志伟就坦言自己难以兼顾：“好辛苦，因为我要返工啦，如果每个礼拜要录嘅话呢，我其实要嘥两三日同佢哋度问题，所以我顶到过年就话唔得喇，我真系要停一停，咁我等呢上半年将下半年嘅节目安排好喇，或者睇下有冇机会下半年再做啦！”