杨明谈狱中生活眼湿湿　失去自由好难挨：对住四块墙冇嘢抒发

无线艺人杨明去年因不小心驾驶罪成被判入狱18天，今日（7日）提早出狱，他随即返到将军澳电视城，并接受《东张西望》及娱乐新闻台访问。《东张》专访于今晚播出，杨明在节目中忆述17日的铁窗生涯，期间更讲到眼红红、索晒鼻，但就未有交待为何要由荔枝角收押所转到高度设防的赤柱监狱。

杨明说：“喺里面时间好规律，喺里面失去咗自由，自己都好静、好静谂咗好多嘢，同反省咗好多之前自己所做嘅嘢，咁，都希望今日出到嚟系一个重新开始。”有报道指杨明曾声称担心人身安全，怕有人对自己不利而要求保护，所以转到赤柱服刑，对此，杨明就避谈：“希望大家知道我所犯咗嘅错，唔好再去揣测任何入面嘅经过，畀啲空间我啦！我唔希望畀公司，令到公司失望，同白费佢一路畀我机会。”

一提起公司，杨明即眼红红好想喊，镜头不断影住杨明大头，他续说：“最唔开心，系一啲不断畀机会同支持我嘅人，一路对我好好嘅屋企人，我….好对唔住佢哋，其实呢个内疚感系喺里面最辛苦嘅，无人同你倾诉，对住四块墙，无嘢可以抒发，自己深深感到内疚、自责，呢样嘢系最辛苦。”

主持人问他未来想怎样弥补？他说：“我承诺咗大家，我绝对唔会畀呢件事再发生，同我会做更多嘢去帮助社会，继续畀正能量呢个社会。”

杨明透露在监狱内的职员和医生都好鼓励他，他说：“入面啲职员、医生每日都畀好多正能量我，叫我加油，所以我出番嚟都会尽我所能回馈返畀呢个社会。（喺里面喊咗多次？）其实….都喊咗几次，最开头𠮶几日系比较孤单，同一直被内疚感同一啲唔开心嘅嘢影响到内心。喺入面，喺好难过嘅，所以千祈唔好做错事。”

他承认受到很大教训，最惭愧是令父母担心：“佢哋担心我会惊，反而要两个老人家担心同鼓励我。”杨明一直摇头叹气，被问想返家做甚么？他说：“其实我最想做系去探Daddy、妈咪，无奈佢哋刚中咗（新冠肺炎）去竹篙湾，迟少少等佢地出嚟再探佢哋。同埋食碗面，因入面无面食。”此时，终破涕为笑。