大刘记者会全纪录(下）爆前女友婚后依然要求送鳄鱼皮手袋
精采终章：谂嘢快过光速嘅大刘，讲起吕丽君一对仔女嘅时候，相对地要花多好多时间去思考……。
（记者：吕小姐他日再有求于你会否拒绝，将来与仔女见面冇咁方便？）
你问得好，我又答得好简单好直接，我开呢个记者会，可以讲，我又讲咁多畀你听，我都预咗一切可会发生嘅后果啦，系咪呀，你听唔听得明我意思呀，唉…我读书唔多呀，但我记得读书话兵来将挡，水来土掩，我成日都话人哋有金choice去决定去做乜嘢，我好惨呀，找冇choice，当你决定去做咩，我系冇choice去决定架，你明唔明呢个比喻呀？好似冇答到，其实答咗。
有咩问题唔怕问架，总之尖又好尖又好，我答得就答。唔讲虚话，鸡嘢。
（同吕丽君生嘅仔女有冇联络或见面？）
（思考良久）8年前呢，8年前发生啲嘢我唔方便讲，就都见得好密嘅。但8年前发生一件嘢呢（再思考），就牵涉到钱，我又唔讲得，但牵涉到钱，只能简单讲，因为钱，露出佢嘅九尾狐呀，我早几日睇咗《画皮1》、《画皮2》，九尾狐现真身，所以我哋就用好多法律方法解决所有嘢，自从𠮶件事之后呢，佢就好少好少畀啲仔女我见嘅，喺8年前嘅某一件事之后。（再停顿）咁而家当我肯去帮某啲人之后呢，就见多咗。咁但见多咗呢，但我见得多嚟我都要好小心保护自己。例如乜嘢呢！有一次我同阿女讲，爸爸陪你行街呀，睇你有乜衫啱我陪你去睇吖，佢阿妈打嚟话︰‘佢钟意我陪埋佢去拣。’咁我话你出嚟我就唔制嘞，费事畀sales误会以为我哋复合（笑），咁结果唔肯出去啦。又话不如叫啲名店攞啲衫去佢屋企畀佢拣，你听清楚呀，入面有暗伏。你叫我啲秘书点讲呀，你又唔系唔识啲舖头，你咪自己叫啲sales攞衫上去啰，佢自己叫同我叫我啲秘书就系好大分别。
即系等如依家，佢吕小姐叫，人哋就当佢自己叫，我秘书叫，话刘生打嚟呀咁咁咁，又令人有个遐想，以为系复合，所以我都避忌架。所以问我点解，而家就算喺街见到女人呀，唔理佢80定18岁，我都惊㗎。头先同你讲，话有个大陆女，带个女肥咗又34E，要叫我去照顾佢㖞，交个女畀我照顾，我儍嘅都唔系儍到咁呀，任何人都好恐布，啲人见你碗粥杰杰地就想打你主意，我见好多女人、男人都唔少，乜人都有，anyway，所以我会好小心，继续尽我嘅能力去照顾𠮶两个细路。
但𠮶个能力照顾呢，梗系唔系突然间话，“哗”要我畀一百亿佢阿妈，咁我就畀一百亿佢阿妈啦，我唔系讲钱呀，一百亿唔好讲银纸呀，一百卷厕纸我都冇啦。所以我会讲我尽我能力去照顾我两个细路，但其他𠮶啲，照顾得来都系步步为营。
仲有冇其他问题？（今次同吕丽君喺皇室堡出现影片流出，算唔算有危亦有机，可借今次事件让你申诉？）
喺𠮶晚呢，我都冇嘢嘅，但隔咗一日，见啲网上新闻又话大获全胜，又有成家人去边度边度啊，我开始知道咩叫死性不改。我初初唔嬲架，因为日日都遇到呢啲嘢架，有一次我喺边度食饭，我费事讲啦，X，又系大陆人，喺边度我费事讲啦，唔咸唔淡嘅广东话大陆人，我喺个房食饭，有成班朋友，餐厅经理唔畀佢入嚟，话“做乜阻住唔畀我见阿刘生呀？”我哋走啦，我啲Security栏住佢，佢仲话做乜唔畀我见刘生。其实佢系卖保险，但佢系要喽住你，咁做生意你知啦，佢做多一单就赚钱，呢啲机会我见得太多，无论女人、男人都系咁，佢就系越层次低，所以先咁样嚟见，但我成日咁，我话得几多个。
你话我屈，又唔系呢8年，最大件事系10年前，我又唔讲得，为咗保护你哋。10年之前呢，呢30几年，有啲人就系娱乐圈嘅，就多是非，你明唔明我讲咩吖，即30几年前，当有啲女朋友系娱乐圈嘅，就多是非嘅，就加盐加醋。
（当年是非，有好多传闻金句，对你有冇影响？）
我同你讲吖， 第一你认为对我有冇影响力吖，一定有。但我嘅功力呀，但咁都影响到我，咁不如剖腹自尽跳楼烧炭啦。
我讲畀你听吖，我早几个礼拜先同我老婆陈凯韵（甘比）讲，我要努力作战，唔系真系打仗，直至我寿终正寝为止。如果我咁易畀人打残，咁容易磨灭我嘅意志，我都唔会捞到今日咁啦，你听唔听得明我意思呀？我真系内心咁答你。
（吕丽君系你心目中系咪好有机心嘅人，太太甘比有冇唔开心，要同佢解释？）
（拍咗几吓手）
第一我答咗你呢个问题先呀吓，你问我关于吕小姐咁，我真系唔方便去comment佢，要讲七七四十九日都讲唔完，大家要择日讲（偷笑声）。第二阿陈小姐有冇嬲有冇唔开心啫，我可以点答你，佢点会嬲啫，佢又知咩事，答咗你未呀，哈哈。
第一，当日喺皇室堡𠮶日，佢就喺香港，隔咗几日先去日本，本来约埋我去呀，但呢排多嘢做咗，就想喺屋企抖番几日，因为真系攰呀，我平均每一日瞓觉，短就3个几钟，长就4个几钟，瞓到6、个钟都还神，呢阿弥陀佛。
有时我习惯夜晚睇美国市，除非𠮶日美国又holiday，美国又冇市，香港又冇市，咁夜晚就好啲。我时间唔够用嘅。
（总括吕小姐系咪一个有机心嘅人呢？）
我谂你喺呢方面形容得太肤浅啦！咁肤浅嘅意思，机心就太肤浅，咁你慢慢揾啲识中文嘅研究吓啦。又咁讲嘅，佢有方面系好叻，但揾唔到食嘅呢啲人，就噏得就噏。
而某方面，我初初同阿陈小姐讲，即系我老婆呀，佢头头唔信我讲嘢，我老婆，我话佢真系好蠢㗎唔系扮架，到而家我都真系信佢好蠢架！（停顿2秒）唉…唉…
咁当然佢可能喺我面前诈傻扮懵，但佢喺诈傻扮懵或者真傻真蠢，你好聪明好叻又有咩乜用呢？当你喺某啲人面前已经冇晒信用，你讲乜嘢都冇人听啦，系咪呀？如果我今日讲啲嘢男男女女嘅，知道我讲啲嘢系bull shxt，我讲一套做一套系假嘅，你哋都唔系蠢人，你哋都读过书啦，冇大学都中学以上啦，form 6啦。大家都系人，你哋线眼各方面，收风都收得多啦，有冇话听我讲完唔算数吖？我都畀好多人呃架，生意男人又系女人又系。
“即系我经验学返嚟，若果以银码计，对你哋嚟讲，唔敢想像，有啲离谱架，30年前我找咗亿几银呀，倒数都唔紧要，你搣张欠单，我就执行李走，畀第二啲人?梗系搣啦，顶你XXX，我梗系宁愿一次过write off啦，唔知你地听唔听得明呢?可能你哋都未入行，啊…啊..小文呀，妳系咪叫小文呀?即系我唔想讲呢啲嘢，因为太过熟喇，好多人觉得我识娱乐圈嘅女性多，其实唔及得我其他女朋友嘅1%，咁唔通我逐个逐个“扬”咩? 有啲六、七十岁，有啲七十几岁，唔通我就“扬”呢个边一年，边一年咩?大佬!”
“所以头先问几问题呢?其实问得好，Apply唔到某啲人嘅出身，即系𠮶啲系ET外星人，绝咗缘，即系个心冇心跳嘅。好似我睇过画皮咁，聊斋故事咁，冇心跳㗎嘛，唔系人㗎嘛，你明唔明我意思呀?真系呀，你明唔明我讲咩呀?阿鬼，仲有冇咩问题要问?唔紧要。”
(刘生出面成日都传你好照顾的女朋友，到家都有帮佢哋找数，系咪㗎?)我唔识答你呢个问题，因为点解呢?有啲系有助养，但唔系全部啰，我可以简单直接答妳，值得我赞助，支持，我就会做啰，妳听唔听得明?唔表示个个系㖞，妳(指Noel)唔驶拧头㖞Noel，唔驶惊我捉虫入屎忽㖞，即系佢惊我讲错嘢，又被人转述我啲说话，话我照顾以前啲女朋友，我唔怕讲畀妳听，我喺两三年前，汇咗一笔钱系天文数字，畀一个53年前嘅女朋友，53年前呀，你谂下佢有几老，咁呢啲我咪会照顾佢啰，即系佢值得吖嘛。但如果好似Noel惊落，哗,我所有女朋友都照顾，咁会唔会有人黐住上，我都系呀，咁你要照顾我?唔系，有啲冇良心嘅，有啲贱到无论嘅，我讲娱乐圈都有唔少㗎，贱到无论嘅，你哋知唔知咩意思?”
“小文，我呢到讲两句就唔会开名，费事搅出大镬啦，妳都会畀人灭口，以前我女朋友，两姊妹夹埋冒签我个名，整张假文件去电油公司，申请张油卡，佢就唔好彩畀我会计部check咗出嚟，我都无去报警，若果我去报警，佢哋两个衰紧，我剩系话‘喂，妳哋太狼㖞，咁都得嘅?’我剩系提佢，如果我去报警，妳地死梗，我都冇做到。”
“有啲人...我讲一个笑话，我哋尖沙咀咪有橦大厦叫The One嘅，个大厦名系我个仔刘鸣炜改，我本人喺任何思想，你地听清楚就知，任何思想环境之下，都未谂过一个叫“The One”呢个字出嚟，我唔知你哋明唔明白我讲乜嘢?即系𠮶座大厦The One 呢个名系我个仔改架，我本人私人或工作上，从来冇谂个一个字叫The One，如果你哋资历够就谂下我讲乜嘢喇，听唔听到我讲咩呀?不过我个人呢，小文，我就好肯帮人嘅，当有啲人想去揾老亲衬，成个广告版被队埋嚟，叫我揾啲秘书去登广告，我都照帮手嘅。(当年𠮶广告系咁发生?)妳仲听唔明我讲乜?我都话我本人从来冇谂过一个字叫The One咯，小文姐，唉，妳系咪儍㗎?我想过话座大厦The One𠮶名系我𠮶字改㗎，我自己本人从来，私人或工作上从来冇谂过The One呢个字，(但萧若元系个节目都话，The One系你一生之中至爱) 超.....咁我而家讲咗，你明唔明白呀?小文姐，我都话私人从来冇谂个字The One，第一，我英文好水皮，第二，个稿交嚟，交嚟叫我用秘书去登，就借我哋嘅秘书去呃个老衬啰，妳听唔听得明我意思呀?所以你话要我讲，小文，鬼哥、B哥，我要讲?我谂我要讲七七四九年都讲唔哂啦，(因为呢单嘢太深入喇)超....深入?而家妳系咪觉得仲深入呀?”
“(不如你试下开个YouTube 频道啦，肯定过百万like)咩过百万呀?日日过亿呀!咩过百呀?日日过亿呀!...我真系想开个频道，后尾我屋企人话唔好，你哋估下点解？因为好易被黑客入侵，做咗我系黄丝为反中乱港呀，你哋听唔听得明呀？我真系想开个平台㗎，将我见到嘅不平等，或者香港养曱由、老鼠𠮶啲睇见都火滚，但唔好㗎，而家啲黑客好犀利，突然间喺我平台整出话我讲，‘我希望边个落台，希望边个要死’我咪仆街?而家妳明唔明呀？小文？即系我想讲我呀，系死梗先？（不如你上我平台？）上妳平台用一、两次就得，再下次畀妳，就话妳系我拍档，系我白手套，借妳个名去反中乱港，得唔得呀？小文姐，我好惊呀，真系有创伤后遗症㗎，我唔系讲笑㗎，所以妳头先仲唔明白我呀？我一世人呀，大厦𠮶名我仔改，其他我私人从未谂过、改过The One呢个字架，妳仲唔明咩意思，妳仲唔明啲油卡点样冒签名，仲唔明白系乜嘢？即系好咩呀⋯⋯《法证先锋》第二定第三集，XXXX即系咩crime scene 呢个世界乜人都有，你唔好睇表面呀？虽然我讲嘢大声，又耐唔耐有一两句粗口，但我系庆先讲粗口，我要control一句粗口都唔讲，我都可以同你讲十日，但即系点讲呢？以前啲电视话斋，我大声讲嘢唔代表我系坏人，我讲粗口唔代表我系坏人，或者我系衰人、系黑社会，有时人生呢，当你受咗好多委屈呀，你见到我而家仲精精神神坐喺度被你哋问话，我已经好叻㗎喇，系真架，好似妳头先讲𠮶啲仲唔明我咩嘢，但我头先讲我私人重未谂过一个字The One，妳个反应仲慢咗，妖，妳真系个脑同耳仔，可能连接咗四日先会明，而家妳明喇？真系明喇？thank you”
“油卡呢啲你哋谂唔谂到会咁做？一个月万几蚊电油都杀，但泛法㗎㖞，你清唔清楚我意思？咩人都有啦，仲有啲呀，你听见呀，真系唔好爆出去或者点大造文章，结咗婚两三年呀，一年都同我攞几个鳄鱼皮、钻石手袋啦，小文姐，我唔知妳又明唔明喇又？鬼哥你明唔明呀？你千祈唔好以为我畀几个手袋，千祈唔好以为我畀个手袋，大家出嚟执番剂，凉茶就可能有……（咁少执一剂？）咩话？即系话执咁少剂呀？喂，鬼哥，男人同女人，有啲人去执人一剂，可能益个女人，有啲女人被人执一剂，可能益佢自己，系相对嘅，我有冇讲错先？咁少？你畀我呀，唉、我谂我依家肯去执，我真系唔知XX老尾排到去黑龙江呀！XX老尾你哋真系、真系我哋讲笑啫，我而家行路都行唔到、执？有张银纸跌喺上高，执都无能力呀，但我即系讲你地听唔明白，你哋做娱乐版，我睇太多呀、擘大眼讲大话太多，Almost个个都系！你哋今次发喇，听到咁多嘢，咩话（写唔切呀）有电话录低麻，（可唔可以出十集呀?）鬼哥、B哥、小文姐，你哋咁多位兄弟姊妹，有啲咩事呢?揾我哋Pinka，佢系我哋公司嘅联络媒体呀，乜嘢都可以揾佢，佢系我老婆个妹你哋知㗎？我同妳讲呀，小文，刘生今次唔系豁出嚟呀，系谷咗气好耐，唔系谷你哋边个边个，将啲怨屈气喺心度摆咗三十几年，（今日会唔会舒服啲？讲咗出嚟之后）唔会，不过最紧要系澄清，唔想被人误会、造谣造非，包括女人好、萧才子又好，话我燥狂症，又话我最爱就系李嘉欣或著The One，唉⋯⋯（又冇谂过改咗个名？）梗系唔会啦，因为点解呢，个名系我个仔改架麻，第二，你谂下我做嘢呢，好笑嘅，我买𠮶个皇室大厦，即系呢座大厦，我名都冇改到，我哋座嘢起得好靓，当时建筑费系人哋嘅两倍，你哋有冇去过The One，睇下The One楼底几高，系得我咁癫呀，俾两倍建筑先起到，我有个老友废事开名，‘阿Joe系你先舍得，拆咗佢再起得咁靓’所以我想同你哋讲呢、我咪谷气咗8年呀，谷谷埋埋，话塞春卷呀、乒乓波、网球呀，点样喺飞机𠮶处闹人呀，掴人两巴人哋喊呀即刻攞张支票掟埋块面度，我都随身唔袋支票嘅。乜嘢都有人作，我你听呀，啲人唔抵得我揾到少少钱，多几个女朋友，佢咪踩你啰，造谣造非，迟啲唔系话我塞人，系话我钟意畀人塞添都得㗎，我有冇讲错先？我要抹黑你呀，你听唔听得明呀？佢钟意沟女呀，钟意沟男人呀，钟意俾男人搅呀，又得㗎㖞，任佢讲㖞，我有冇讲错呀？你哋都系成年人，你知我咩意思啦，𠮶口摆喺人哋到，系唔系，我知，我屋企人都知，佢哋平时唔去街嘅，差唔多我去街，去边度，有哂schedule、秘书又知，佢家姐又知，佢大家姐又知，即系今日咁，你问咁多嘢，我俾两句你听，冇开名，但你哋知系咩事，唔止一个啦，好多个啦”
“嗱，我可以大胆讲啦，我可以大胆讲，娱乐圈边个真系人，边个系鬼，鬼同魔就多！神就冇啦，除咗歌神陈奕迅，鬼同魔就多喇，我点可以讲啫，第一， 有啲真系好老友、好熟嘅，亦有啲识咗三、四十年，咁讲嚟做乜鬼？同埋你知唔知呀？小文，同埋鬼哥、B哥，我做人呀，都有道德底线，边个边个边个又点点点，你听唔听得明我意思，如果我真系咁讲，你哋在座男又好、女又好都睇我唔起啦，好鬼惨呀，你哋唔知道，结果𠮶个人成功咗啦，一个The One咪搅掂咗，你知我讲咩啦？笑得咁开心，我都替佢开心，唔系咁易揾㗎，（刘生头先你讲咁多魔同妖啦，咁你都话有人架麻，绯闻女友个list入面你可以大赞嘅？）即系如果问唔系娱乐圈，我就可以好多，但你都唔知边个？如果娱乐圈，I am sorry ，冇 ，系绝对冇，系绝对绝对冇，即系同我有所谓绯闻𠮶啲，唔系话同我无嘢𠮶啲，我哋都识落唔少娱乐圈男性朋友，做电影呀，唱歌呀，或者女性朋友，因为由于我哋冇同佢哋有特别关系呀，佢系人、系魔、系神都唔关我哋事啦，但你头先讲系有绯闻𠮶啲，I am sorry 冇 ，你哋呢我补充一句，在坐如果有咩后补问题想问呢？揾Pinka啦，Pinka妳有助手㗎？嗱，而家你哋想影我又得，企埋一齐影都得㖞（我想同你合照呀）嚟一齐啦，我唔系想抽妳水呀？不过今日难得呀，OK 影咗一个人先。”
”