萧若元拍片反击大刘指责造谣　直指：刘銮雄已经冇新闻价值

大刘刘銮雄昨日高调召开记者会，心情大靓，有问必答，访问足足历时一个半小时。期间大刘回应了有关萧若元在元旦于其“萧氏新闻台”，仔细分析大刘出声明澄清与吕丽君以及甘比关系等言论。大刘直指萧若元造谣，但就表示不会要求对方收回言论，或采取法律行动，指自己虽然有不满，但不会找台湾朋友“探吓佢”，表示：“我好谅解萧若元，佢揾到食使乜咁吖，如果我有一日要喺平台咁呃like呀，我就大乜X镬啦！”

萧若元对于大刘昨日公开指责他造谣，即日再拍片反击对方。他以“萧若元对大刘记招做出声明及回应！萧若元遭大刘痛斥！但称不会走法律途径控告及不会派人来台打招呼”为题的影片来回应大刘的言论，甚至直言：“刘銮雄已经冇新闻价值。”萧若元在片中表示：“我畀大刘痛斥，畀人痛斥到惯，我有咁多haters！但畀咁有钱嘅人公开闹系少见啲，我会作出回应。”

对于曾指大刘有躁狂症，萧若元说：“我话佢有躁狂症，第一系网民讲嘅嘢，唔系专业人士讲嘅，我所谓嘅‘躁狂症’系指啲人系咁发脾气，脾气好猛烈，自己控制唔到，发得比较多。但如果医生话佢无，我愿意澄清这件事。”他又指：“创伤后遗症就系引起躁狂，其实两样嘢系冇咩分别，表达自己有创伤后遗症有两种方法，一系忧郁，一系躁狂，又有啲系又忧郁又躁狂。”

萧若元表示：“Facts是可以查嘅，如果我讲任何人，包括埋大刘在内，你可以Send Email来指证我错咗，我一定更正，事实错咗就错咗。第二，如果系严重错误，我会道歉。关于刘生都系一样，我讲嘅嘢边啲系错嘅，你指正我。例如话躁狂，如果你话有医生证明，咁你叫医生写封信畀我，我咪道歉啰。”

他又谓谈论大刘的影片点击率并不及他过往谈论其他艺人的影片：“我第一条片都百几万，许志安条片都七、八十万，许志安嘅新闻性都远远在你刘生之上，唔好以为有钱人大晒！历史上有钱人系冇咩社会地位！你觉得自己嘅重要性就系Overrate自己，李嘉诚都冇咩地位，何况系你？李兆基就一定无地位，何况系你？我唔会主动讲李嘉诚同何鸿燊，因为佢哋系列入商界十大枭雄。我睇唔到你 (大刘) 生意上有咩杰出表现，冇你咁有钱嘅人都列入去。刘生，你净系炒下地产，我见唔到你有咩成就。”