大刘刘銮雄记者会全纪录(中) 被指为报恩与甘比结婚激动澄清
上文题要:大刘刘銮雄因为被传与吕丽君复合，而招开记者澄清事件，其间亦就很多传闻作回应，刘生表示多年被屈，尤其有不少人身攻击传闻，但都选择不回应，今次藉著记者会回应，其中更清楚交待分布遗产原因，亦回应当年有传大刘因为陈凯韵母亲愿意换肾救他，所以大刘要与陈凯韵结婚....
大刘表示自己很留意社会民生,更会低调地助人，之后话锋一转，表示多年来被人在抹黑，他说:“乜嘢都畀人讲㗎，又话掟支票，又呢样𠮶样，又话春卷、乒乓波、网球乜都有㗎，有好多传闻系人哋嘅，传传下去咗我到，我又唔想累人哋，畀人知道原来都系名人但咁变态，Anyway我而家要讲，讲完皇室大厦嘅过程同埋萧若元，你识佢嘅唔该同佢讲声，俾我叫声你做萧公子，讲少啲啦，你要讲𠮶个蔡英文仲好啦，不过佢唔敢讲啦，讲两讲喺台湾俾人拉咗啦，唔好立乱招摇撞骗，讲我啲嘢，讲到好friend ，又话我咩狂躁症呀，狂躁症真不能控制自己，我谂佢个症就一定有嘅，学陈奕迅话斋，佢荷包呢个咩呀，荷包干硬化，佢就𠮶症就系荷包干硬化，话我狂躁症?哼!
So far我讲咁耐有冇讲粗口?(记者表示有㖞!) 边句呀?系有嘅唔怕讲，(记者表示虽然有粗口但听得舒服)哥哥，我同你讲啦，有啲电视剧话大声讲，唔系代表我冇礼貌，我讲粗口系宣泄我愤怒，你明唔明呀?
“有啲人有传闻话我系黑社会烂仔㖭啦，你有冇听过呀?有冇人听过呀?唔怕讲呀?有?有冇听过小文?有冇听过呀?(记者小文表示有听过但相信刘生不是)，我15岁零一个月，就去咗英国读书，点知𠮶年呢，返咗两堂，就学识打台波英国桌球，咁我阿妈知道我冇心机读书，就掟咗我去加拿大多伦多，希望有远房亲戚照顾，咁呢转转反侧就大学毕业返嚟，就喺我阿妈间工厂做嘢，咁我就好勤力呀，我48年前已经中东、非洲去浑哂，我都想做黑社会呀，但我冇时间啰，我想同你讲你啦，你睇我𠮶样边一忽似黑社会，虽然黑社会冇样睇㖞，有啲道貎岸然就系黑社会，但我见到萧乜乜，著到好执正㗎，佢又唔系黑社会佢扮黑社会咋，但佢就黑帮揾食嘅，伦敦金呀，电话骗案呀，你听唔听我讲咩呀?(小文表示知你知我讲边个做)你知我讲边个就thank you very much,(小文表示那个人儿子当律师)系呀，知道我分咗身家，睇到我条数即刻嚟上千我㖞?我真系他妈的，买棺材唔识订呀?(小文表示那个人会这样做)佢梗系做得出啦，但佢搞错咗嘛大佬!你帮我阿爷净畀我㗎?阿爸剩畀我㗎?我自己创业或手兴家，我都唔识你，你无端端畀我做乜春呀?唔该，所以我谂咗唔够两三秒，我记得以前识个女仔做律师，佢已经同我讲，佢个仔喺我用嘅律师楼做律师，我谂咗之后，即刻打电话畀𠮶partner，我XYZ佢，我话大佬，我身家咁重要嘅嘢，你唔自己跟，你畀条黑帮份子嘅仔跟?你而家返去同你老豆讲，即刻唔够三日呀，就送盒X畀我，我而家都未讲之前，都冇谂过会发生呢啲事呀?但系你知道佢背景，你话佢做得出?我谂你都熟佢嘅来龙去脉，前因后果，我有冇认错?呢亭人伦敦金，伦敦几日之后冇几耐先嚟做我世界，不过佢搅错咗啰，你哋听唔听得明?”
“我今日系博同情，嘅系你唔知道我有几痛苦，狂燥症就一定冇喇，创伤后遗症一定有，因为创伤咗N咁多次呀，Anyway而家要讲讲完，又讲返澄清𠮶个通告，澄清通告讲乜架?Noel你讲出嚟啦，我想补充一句，萧若元话可能吕小姐叫𠮶个踎喺地下𠮶个，企喺度撞，我个人思想呢，我认为绝对唔系嘅，我呢到要澄清，绝对唔系，点解我知道绝对唔系呢?行走江湖喺商场打滚咁多年，𠮶啲真系呀?我都睇唔出呀?我真系要剖腹自尽，都好似去咗日本咁，武士道精神，但有啲人加盐加醋，其实咩都可以任你作?你够胆面皮厚冇底线厚颜无耻就得架喇。”
“𠮶个财产处理咗畀陈凯韵与家人，我想特别澄清，除咗陈凯韵𠮶三个细路有，仲有其他家人，当然其他我家人，包括吕丽君𠮶仔女啦，可能包括宝咏琴以前啲仔女，我就想澄清呢样嘢，费事有啲人又话，你身家畀陈凯韵纳哂喇，无咁嘅事，绝对冇咁嘅事。”
讲真我最大个仔，今年都42就嚟43，佢喺我未有第二啲细路之前，得佢一个仔同一个女，都后尾吕丽君生咗到陈凯韵生，佢都最大，今年都42、3，佢除咗读书叻，做得嘢都事少，个人亦越来越成熟，我最开心，就系佢好肯好肯好肯做好多善事，我最开心㗎，呢个系我最开心㗎，呢点我想补充㗎，费事第时有啲人睇到，又话陈凯韵同佢屋企人“纳”哂，所以我要澄清呢样嘢，咁讲真处理财产，我入唔怕，讲畀你哋听，当时我去处理财产嘅事，我同陈凯韵结咗婚两日，咁就同啲律师讨论，律师同我讲‘刘生，你同陈小姐结婚都唔安全㗎?’我问点解?因为你啲财产喺信托管㗎，仲有得拗，打官司㗎，咁我谂咗两晚之后，我宁愿犠牲小我，as a gift 送哂出去，我曾经同我律师讲，我宁愿送出去畀错人，都唔希望俾咗啲天下极坏极坏嘅人，极坏极坏嘅恐怖分子，呢样我想澄清返呢样嘢。”
“第二，我讲返对呢八年网络呀，你哋熟啦，我都唔识上网，唔识睇啲网上新闻，唔识用智能电话，但我都知你请人就大把网络打手，我明明而家已经缩水、猪肠，我够可以话我大春袋啦，喺呢个网打手吹下，畀钱咪得啰，但有啲人呢好钟意利用网络呀，去歌颂自己，就去踩人㗎，我见唔少嘅，而家讲起，我又要讲一单嘢，我睇见真系拧下拧头。”
“话我点解要同陈凯韵结婚?因为佢阿妈换咗个肾畀我，所以我要报恩，就要同陈凯韵结婚，你哋记唔记得有单咁嘅嘢?𠮶单嘢如果唔系某某人做嘅，我批个头，切咗条脷出嚟畀你当凳坐呀!你哋听唔听得明我意思?我而家冇讲名，你哋知唔知我想讲咩先?(小文表示听过这件事)咁仲有咩人会讲呢啲嘢呀?小文姐?我要换肾，都揾个后生啲啦，60岁人仲揾个老肾去换?卤味我就钟意食嘅，卤水鹅𠮶啲呀，我讲，但有人喺周刊讲话我同阿陈凯韵结婚，因为佢阿妈换咗个肾畀我，所以我要报恩，我被逼先同佢结婚，咁边个利益冲突要讲呢啲嘢呀?你哋明我讲咩嘢呀?小文，你明喇!多谢多谢。”
“如果你哋唔明要出声问㖞，如果唔系嘥晒我同你啲时间㖞。啫系好多嘢我想讲，但唔讲得，系惊影响到你哋嘅生命安全，𠮶啲嘢唔讲嘞，费事累到你哋。唔系讲我同你呀，系惊你哋听过晒，你哋就要全部all of，即系all in晒冷呀，𠮶啲唔讲得呀𠮶啲。
依家我想讲呢…阿吕小姐…唉….啫系我唔系考虑到佢对仔女，一个12岁、一个20岁，我决定帮定唔帮，平时我谂嘢，0.1秒可以决定到，我都要谂咗足足两分钟， 唔系数目大细问题 ，系应该唔应该。乜原因呢，就系唔想到时有难堪出现，影响到对仔女，一个12岁一个20岁，希望你哋明我讲乜，唔明我都冇办法，我都系为仔女保留番一啲尊严。
小文你明唔明呀？（有人屡败屡战，挑战你底线？）咁梗系啦，有啲人冇底线，我讲畀你听，呢度最好资历有少少思想，我同你讲真架（叹气）第一，唔好讲有冇法律权力去杀咗一个人，有我都唔会咁做，因为有两个细路，我更加唔系电影嘅占士邦。佢系特务吖嘛，有资格有个牌去杀人，我冇，有我都唔会做，考虑到仔女嘅问题，听唔听得明呀？但我都要保护自己（拍拍心口）同陈凯韵（即太太甘比）同三个仔女同其他仔女，明唔明白呀？清唔清楚呀？咁我梗系要预防啦。
我记得特首李家超，佢系电视点讲呀，“害人之心不可有，不过防人之心不可无”，我即刻拍手掌。我唔系擦李家超鞋呀，你见佢电讲““害人之心不可有，防人之心不可无”咁我都系睇电视讲架，我希望喺呢个记者会之后，有人会收歛啲，或者佢再揾啲网上打手，bull shxt乜乜物物，你哋都唔好再信啰，X，如果你哋有怀疑，网上有乜新闻，点解我想同佢复合呀，我冇咗佢唔得会死呀？网上乜乜物物呢，唔该你即刻打畀我，揾唔到我揾Pinga。
其实好sad架，阿小文，我见过好多男性做生意嘅人、女性、女朋友，我见过好多，有啲天生出嚟嘅性格系唔会改，至死都唔会改，真系呀，唔会改，咁我能够做乜先？系咪先？我唔系神，我只系一个普通人，我只系默默地黯然接受啰，唔系欣然接受。
其实我个人呢，晚晚瞓得少就三四个钟头，多就五个钟，唔够瞓架，我都多嘢做。好似开呢个记者会，唔系愤怒情形下都唔想开，对我嚟讲咁讲嘢都吃力，唉…。
你哋有咩问题想问吖？我一路谂到一路再讲。（可唔可以讲吓吕小姐有咩困难？）
我都知你哋记者朋友会问呢样嘢，但我真系唔想讲。点解呢，我哋做人，自己本人，人哋点做我唔知，我做嘢都系今日留一线，他朝好相见，我更加唔会赶尽杀绝任何人，唔系剩系吕小姐，任何人我都唔会。但系，你哋娱乐版唔会留意财经金融地产，我谂如果你哋系𠮶边，或问公司𠮶边金融地产好快会知，我唔方便讲，其实我唔系为咗对仔同女，我都极度唔想讲。
仲有咩问题呀，呢位姐姐？尽量问，我答得嘅我尽量答你哋。
（会否要求萧若元收番网上言论，或采取法律行动？）
第一我绝对唔会（采访法律行动），第一系台湾嚟讲，虽然台湾我都识好多法律朋友，不过如果样样我都取法律行动，即系变相益佢，喺台湾采取法律行动，或者叫台湾朋友去探吓佢，都系益咗佢，你问得好呀，我谂都唔会谂呢啲嘢！
我今日庆幸都揾到稀粥食，我唔希望我做任何嘢影响我第二代第三代生仔冇屎忽，你听唔听得明呢句说话呀，有啲人好惨架，为咗揾食，男人卖箩柚又有，女人出卖肉体又有，全世界都有。我今日都好吖，庆幸自己勤勤力力，又借我外母15万碌到今日咁，唔敢讲揾得到好多，两餐安乐茶饭食。
你会唔会问我采取法律行动？唔会，但如果继续讲呢？我就可能会讲，我耐唔耐又讲，打击佢喺台湾𠮶个咩网络平台，会令佢冇晒信用。我唔会专登去做，但如果佢继续咁做，好似有次朋友讲，我话佢就好彩啦，佢有权选择佢想做嘅嘢，但我唔好彩我冇权选择。例如你有权选择杀我，你预备杀我，咁我冇得选择。咩意思呀，我明明唔想杀你都要自卫杀你啦！简单讲句，你明唔明我意思呀，即有权选择做啲侵略、害人嘅事，但我冇权选择，当有人入嚟我屋企要杀我全家咁点呢？我冇得选择啰。
我系讲比喻啫，唔系讲杀，何况大家相识一场，我好谅解萧若元，佢揾到食使乜咁吖...如果我有一日要喺平台咁呃like呀，我就大乜x镬啦！哈
我教我老婆点呀，我话悭啲使呀，尽量帮到人都去帮手呀！好彩依家唔使悭，佢好惨架佢，简单讲佢点解要去台湾呢？梗系争人，但呢啲我唔知，冇交集、冇来住，但佢醒目呀，利用我嘅topic去吸引去attention，咁咪多人落广告，收到钱赚钱。有人话我知佢一个月十几廿万，我唔知，有冇可能呀？我唔识呀，佢一个月赚十几廿万我都替佢开心，吹吓水啫，最多我狂燥症啫，掟支票落人哋面珠啫，最多钟意话我先奸后杀啫吓话，X但如果讲到我先奸后杀𠮶时，我真系冇choice呀。X你最多话我有狂燥掟支票落树啫，但我最钟意最爱边个佢又知嘅，我自己都未知呀！咁多位，哈，佢话佢知我最我边个边个，佢讲嚟讲去都系作！”
大刘刘銮雄澄清记者会详情?
大刘刘銮雄早前被影到与前女友吕丽君（现名吕姵霖）惊现铜锣湾皇室堡行街，这次更是二人情断八年后首次合体，今日(1月3日)早上11时开记者会亲身交代事件。
为何大刘早前已作文字声明，但事后都要再向公众交待更多详情?
早前发表公开文字声明后，各界仍然对事件提出不少疑问，故此刘先生希望亲身向公众交待更多详情。