大刘刘銮雄记者会16金句重温：唔好以为我畀个手袋就可以执返剂

刘銮雄（大刘）早前被拍到与前女友吕丽君（现名吕姵霖）一同于铜锣湾皇室堡出现，结果惹来二人旧情复炽的传闻。大刘继日前发声明澄清指因吕丽君有事相求，所以才同时间出现于皇室堡之后，昨日（3日）大刘举行记者会，亲身交代事件的始末及解答大家的疑问，他在记者会上更金句频出！

大刘在记者会上大爆金句，例如：“一年都同我攞几个鳄鱼皮、钻石手袋啦，千祈唔好以为我畀个手袋就……可以大家出嚟执返剂㖞，执返剂凉茶就可能有。”等等，以下为大家逐一回顾：

1. （被问落广告为李嘉欣庆生）我个人呢就好肯帮人嘅，当有啲人想揾老衬，成个广告版队埋嚟，叫我揾啲秘书去登广告，我都会照帮手嘅。

2. 好多人以为我识娱乐圈女性多，其实唔及我其他女朋友1%。唔通我要逐个逐个讲咩？

3. 结咗婚两三年，一年都同我攞几个鳄鱼皮钻石手袋啦！千祈唔好以为我畀个手袋就可以大家出嚟执返剂㖞，执返剂凉茶就可能有。我谂我依家肯去执呀，真系X你老味，排队排到黑龙江呀！讲笑啫，我呢家行路连地下有张银纸都执唔到呀！

4. 做娱乐圈，我睇太多，擘大眼讲大话太多，Almost个个都系！

5. 我将所有财产送出去，宁愿俾错人，都唔可以益天下极坏极坏极坏极坏极坏的恐怖份子！

6. 我谷咗气好耐，最紧要系澄清唔好畀人造谣造非。我好多气谷谷埋埋，话塞春卷呀、乒乓波、网球呀，点样闹人呀，掴人两巴人哋喊呀即刻攞张支票掟埋块面度，我都随身唔袋支票嘅。

7. （有冇绯闻女友值得赞赏？）如果系娱乐圈，I am sorry，无，系绝对无，系绝对绝对无，即系同我有所谓绯闻𠮶啲呀，唔系同我无嘢𠮶啲朋友呀。

8. 我可以大胆讲，娱乐圈边个真系人，边个系鬼或魔，神就冇啦，除咗歌神陈奕迅，鬼同魔就多啦！

9. （吕小姐系一个有机心嘅人？）我谂你喺呢方面形容得太肤浅。即系𠮶啲系ET外星人，绝咗缘，即系个心冇心跳嘅。好似我睇过画皮咁，聊斋故事咁，冇心跳㗎嘛，唔系人㗎嘛。

10. 传话我点解跟陈凯韵结婚，因为佢妈咪畀个肾我，要报恩，我换肾都拣个后生啲，唔会揾个60几岁老肾。

11. 唔该你哋识萧若元，代我同佢讲声：求求你让我躲开，你有唔掂，我帮过咁多贫苦人家，唔怕帮埋你。

12. 我明明依家系缩水猪肠，我够可以话自己系大X袋。喺网上揾打手吹吓，俾钱就得啦！

13. 我好谅解萧若元，佢揾到食使乜咁？如果有一日，我要喺平台咁样呃Like，就大×碌啦！

14. 我从来唔会睇唔起男人做黑社会，女人做鸡。因为环境穷先做黑社会、做鸡！

15. 萧若元话我动作快如闪电，佢唔够贴切，系比光速快几百倍！

16. 你哋有冇睇《爱·回家》？冇睇你哋有啲失败，我晚晚食饭冇嘢做就睇《爱·回家》。