仔仔一堂｜Andrew Carson已“分手”　真男友冇呷醋：揽揽哄返

无线J2台同性恋配对真人骚《仔仔一堂》人气最高之二的Andrew及Carson今日（27日）到湾仔宣传写真集，身为大学讲师的Andrew笑指不觉人气高了：“可能我啲学生都唔敢同我讲，佢哋可能对呢个议题有少少Shy，都正常嘅。佢哋都唔系Surprised我参加呢个节目，因为佢哋都知我系Gay嘅。”Carson则指出街、健身都有人认得他。

两人在节目中成功配对，谈到戏外是否有真CP出现，Carson透露已同Andrew变回朋友关系，问是否有暧昧过，Carson害羞说：“我哋有一齐出街、食饭、睇日落，之后𠮶啲唔讲啦！”

Carson指没有多了追求者，澄清是单身，他笑指：“啲人以为我同Andrew一齐，好多人祝福我哋，我一路都澄清返，我同Andrew做返朋友啦！”至于5个月前已“脱单”的Andrew指男友没有呷醋：“佢冇讲，但我Feel到佢有少少尴尬啰，我哋有一齐睇，解释返佢知我谂法系乜。”他又指已揽揽哄回男友，而“前男友”Carson在旁则行开一步调侃道：“要保持距离！”