前亚姐黎淑贤同大仔出街被厌弃：佢怕人哋以为佢“煲老藕”
撰文： 吴子生
出版：更新：
香港著名武打演员卢惠光前妻前亚姐黎淑贤（Bonnie）今日（22/12）现身观塘出席《爱在冬日圣诞送暖行动》。身为4子之母现年46岁的Bonnie再婚后嫁得一位好老公美容医生许智政，生活无忧愈变愈靓羡煞旁人。被问到变靓，有何妙法？Bonnie表示：“其实心境好重要，因为以前啲细佬比较细，又要谂佢返学同读书，又会担心佢哋细个嘅时候又容易会病，变咗凑住佢哋系会好攰。相反而家佢哋都大晒，大仔都24岁，最细𠮶个而家都10岁，变咗而家就冇咁吃力，仲会有时间同啲姊妹出嚟见吓面倾吓偈，个人系开心咗好多。”
+1
身为人母的Bonnie，自从有了小朋友之后，便绝迹影视圈，方便全心全意照顾家庭需要。被问到最想拍什么戏种？Bonnie笑言：“其实我而家好尴尬，如果啲人唔识我，原来我有4个仔。而我个大仔同我出街，佢会显得好尴尬，因为佢好怕啲人以为佢‘煲老藕’。变咗同佢去买嘢食嘢畀钱嘅时候，佢就会不断喺人面前系咁叫妈咪妈咪呀！不过我都惊啲人以为我食小鲜肉呀，哈哈！咁系我而家咁嘅情况，我都唔知可以演咩角色好，如果演女朋友又好似过分咗，做人阿妈又担唔系好似，咁所以我都谂唔到自己做咩。”