心灵师・专访｜李璨琛爱国抖音片连累新剧 九字回应网民罢睇
由李璨琛（Sam）、ERROR成员何启华（Dee）、刘蕴晴、陈嘉倩、姜文杰、杨诗敏（虾头）、林明祯主演的ViuTV新剧《心灵师》，将接档《百万同居计划》于下星期一（26/12）首播。李璨琛（饰 Sam）在剧中饰演咖啡店老板，由于他对精神病颇有研究，因此会向到咖啡店求助的病人伸出援手。而姜文杰（Benji）则饰演精神科医生新贵姜耀宗，在剧中他与李璨琛是大学同学，二人修读精神科实习，却因一次意外令李璨琛背上了沉重的枷锁，当中隐藏一个巨大真相。
Sam坦言最近身边很多朋友精神出了状况，因此他希望可以籍此剧集帮助他们：“希望大家可以正视自己问题，唔好因为𠮶三个字（精神病）而吓自己，希望《心灵师》可以令大家唔好用有色眼镜睇呢个问题。”
由于剧情与心理疾病有关，因此会偏向沉重，身兼监制李璨琛特意安排搞笑形象向来鲜明的Dee以及虾头担任重要角色：“就系因为佢哋搞笑，希望可以twist一个同平时唔一样嘅佢哋，但系阿Dee喺戏入面会不经不觉展示出骨子里嘅搞笑，不过套剧有啲位置会比较沉重，所以系件好事。而虾头嘅演出同以前有好大分别，以往佢都系大癫大肺，而今次佢会比较正经同有机心。”
剧中，虾头（饰 黎敏君）是位心理学家，倾慕姜耀宗已久，因此她与Benji有不少对手戏，而Benji就分享特别招待对方以便入戏：“系开镜前一晚佢已经去咗我屋企，我哋煮咗个靓饭畀佢食，就上咗天台对戏对咗几个钟头，之后我哋开工开一个通宵，就已经入戏。”虽然Benji表示当中没有激烈的场面，不过他大爆对方的“第一次”给了自己：“虾头人生中第一次入录音室畀咗我，虾头第一次畀咗我㖞！佢未录过歌，今次我同佢嘅关系，所以我特登捉佢埋其中一首片尾曲，所以大家真系要拭目而待！”
Sam这次拍摄心理疾病的题材是希望可以帮助到观众了解精神病，随后他坦言希望接下来可以拍摄喜剧帮助港人：“其实我自己本身都好钟意拍喜剧，如果大家有印象我都拍唔少，呢段时间系香港周边环境有好大压力，希望可以释放多啲开心元素畀大家relax（放松）吓，其实娱乐呢两个字系希望带被大家欢乐，太耐冇呢啲类型电视剧同电影畀观众选择，俾我拣会宁愿拍开开心心入去笑嘅电影，大家愁眉苦脸入睇完出嚟嘻嘻哈哈，真系好希望做返啲咁嘅嘢。”
过去两人拍摄网络剧居多，不过Sam认为剧集无论是在电视上播放，还是在网上播出都没有太大分别，只是播放平台不一样，他表示希望《心灵师》能取得不俗的成绩：“都系𠮶句啦，我哋都希望今次反应系好嘅，又或者大家畀啲想睇嘅方向我哋，可能悬疑嘅、动作嘅或者搞笑嘅，我哋都可以系呢方面出手。”
而Benji认为在香港开拍电视剧是一件难事，不过现时在这个问题上，大家渐渐见到曙光：“其实本身喺香港开到一套电视剧已经系难上加难，之前永恒（亚视）又冇咗啦，曾经合作过嘅电视台又可能好多剧集出唔到，惯性你都要喺一间机构入面工作，里面嘅人会设立一啲故事畀你哋去拍，而好庆幸我哋喺呢个年代可以有主创团队，可以有自己嘅剧本，系会有新颖嘅嘢出来，所以希望未来嘅日子，我哋有更多嘅机会做啲大家唔常睇嘅故事。”而Sam亦认同表示：“相对地俾我哋嘅创作空间系大咗，就唔会有太多框框。”
随着串流平台的兴起，无论是平台剧集还是海外影片，对于网民来说都是随手可得的事情，因此他们亦变得“嘴刁”，被问到是否担心网民要求高时，二人异口同声表示：“冇嘅！”而Sam就表示身为创作者已经预计到：“我哋平常心去面对啰，如果有啲唔好嘅就尽量改善。”
讲到现在的创作空间变得更加大，而早前Sam经常活跃于内地网上平台抖音，他所拍的短片轻易引起网民的讨论，被问到会否把拍摄抖音的想法加插到《心灵师》时，Sam表示：“我谂系两样嘢嚟嘅，抖音还抖音，咁电视剧嘅制作模式同方式都唔一样，始终一套长剧系九十分钟，抖音都只是十几秒，所以就要视乎主题创作，再去设计拍摄内容。”值得一提，近年主力在内地发展的李璨琛曾因发布多条太刻意宣扬爱国的短片，掀起不少争议，令到剧集未开播却率先吸嬲，甚至有大部分网民表示会罢睇，被问到会否担心剧集出街后的反应时，Sam就平淡回应：“我冇谂过呢方面嘅嘢。”
姜文杰Makeup & Hair ：Rain Lee
点击下图看更多相关图片：