车保罗澄清《无限超越班》无剧本　望多返内地发展：有咩玩就照去

车保罗（Paul）最近因参加内地演技综艺节目《无限超越班》掀起话题，凭借真诚的态度，及对演戏的信仰圈粉无数，首次获邀参与内地真人骚的他更为此辞工北上，可惜录制了短短3日，令网友大感不够喉，“把车保罗请回来”的话题更于21号登上微博热搜，受欢迎程度可见一斑。

提及节目的吸引之处，车保罗在接受《香港01》访问时表示：“太耐冇玩电视台嘅嘢，真人骚㖞，又有咁多前辈，藉呢个机会见吓啲旧人都好。”虽然只录制了短短3日，但他坦言今次学到好多东西，几乎全部时间都给予电视台，每日录10几小时，非常享受整个过程，且酬劳高达6位数，车保罗也笑言：“绝对满意！香港系冇可能嘅事，𠮶边有可能，唔止合理添。”他亦大赞节目安排不错：“佢哋准备功夫做得足，佢有个专人同你一齐，叫你等、跟住落嚟拍咩拍咩，因为系真人骚，喺现场突然间发生嘅嘢你估唔到，呢啲咪就系过瘾之处。”

节目首集最尾，学员们可以选择心仪的剧集角色，对应的导师都是曾参演该剧的演员。当中《鹿鼎记》有韦小宝、康熙两个待选角色，由车保罗负责指导，想不到无人竞选，气氛一度尴尬，不过他幽默地以一句“我眼镜是不是有问题”为自己解围，其后许魏洲主动举手加入，但仍差一位演员，于是车保罗向演员范世锜发出邀请，但遭拒绝。对此，车保罗也在《香港01》的访问中回应：“有个人拒绝我㗎嘛，（话）咩我都系保持我第一志愿呀嘛，我呆咗啊我直情𠮶阵时‘吓？’即系以心换心呢，你一定愿意㗎嘛，《鹿鼎记》咁威点会唔愿意呢？佢就系唔愿意。（你当下咩感受？）冇乜问题嘅，我话你继续得㗎喇，个导演喺现场，咁我睇导演，个导演又冇表情，咁你冇计㗎，咁你唯有‘我保留机会畀下一个’，自己帮自己兜，如果唔系点呢。”他续指道：“导演曾经交待过，嘢你就尽做，做到尾，冇理佢cut与唔cut，你尽去尽去，佢一话good take，咁咪good take啰。”

同为导师的惠英红在同薛凯琪沟通时一度情绪失控，愤然离席，令不少观众以为她发脾气，指剧本痕迹明显，而车保罗澄清并非如此：“佢𠮶个唔叫发脾气，佢𠮶个叫情有感触，佢同薛凯琪同病相怜，都系抑郁症，咁变咗愈讲愈感同身受，咁佢喊住离场，我谂3分钟度，又行返返嚟，真人骚呀嘛，我觉得佢系好感性。”

对于首次参加内地真人骚就如此受欢迎，车保罗也大感惊喜：“直情系冇谂过会有咁嘅效果，即系我廿几年前拍嘅嘢，佢哋真系睇咗廿几年，因为佢哋个电视台播放率高过香港，重播又重播，每一个省播，咁变咗咩年纪出世嘅人都会见到呢部嘢，成长之后睇返又好睇，咁而家呢个演员又出现喺面前，系咪觉得好有亲切感呢？同埋我啲国语佢哋估唔到，你系我哋地道嘅国语。（想多啲返内地发展？）呢个绝对想，因为我有几个剧喺上面拍紧，而家都有两个广告倾紧。”现在已经回港的他透露正在保安局下边的一个方舱做消毒员，但兴趣始终在演戏方面：“差唔多而家我都唔会拣㗎喇，有咩玩就照去，最紧要我应付到。”