林作睇波兴奋到弹起　疑半空抛爱犬落地遭网民怒轰：搞X错呀？

自封“香港抽水王”的林作一向热爱足球，昨晚阿根廷对法国这场世界杯世纪之战，林作当然没有错过，约埋几位朋友到其家中一齐睇波。赛前林作“All IN 阿根廷”，但昨晚战况激烈，好似坐过山车一样，睇到球迷嗌破喉咙，幸35岁的美斯能圆梦捧走大力神杯，全球逾亿美斯迷都戥他高兴。

林作全晚一边睇波一边上片，在IG分享多条影片，其中一段是美斯首射12码入球领先法国1:0，林作好肉紧抱住爱犬Roemo，当见证美斯入球一刻，即兴奋呐喊大叫，吓到爱犬紧张四处张望；此时林作突然弹起身，顺势疑将爱犬半空抛起揈出去，令牠倒竖葱式被翻起，幸找到落脚点，否则便由半腰位直插落地。

网友见状即留言炮轰林作，“顶你小心跌亲只狗”、“只狗好惨啊”、“咁样对自己只狗？完全冇关心过佢安危，你真系好恐怖。唔敢做你客户”、“小心狗只脚”、“只狗前世做错啲咩 沦落到要俾你养”、“搞X错呀？你咁样对只狗？你无嘢呀？本身好开心，（直到）一睇到你咁样fing（揈）只狗出去”、“对只狗好啲啦！吓死佢咩”、“只狗有无受伤”、“咁样对只狗！好X无品”、“系咪虐畜？有冇事”等等。

不过林作一于少理，继续跟朋友睇波，没有回应网民，之后也不见狗狗的踪影。其实林作以往经常晒爱犬的生活照，就连Romeo的“何B仔”都不放过影近镜特写。