轻．功｜黎耀祥晒视帝级演技劲派洋葱　徐忠信客串令人怀念

近年只有一年一剧的三届视帝黎耀祥，在新剧《轻.功》 再献深情演出。剧情讲到有剧组租借“凌波大厦”拍摄电影，期间十一(黎耀祥饰)重遇当年做武师的伙伴(徐忠信饰)，对方邀他出山做替身，十一几经挣扎最终答允。后来有一场“老婆灵魂离开”的场口，因男主角有事未能拍摄，十一自荐帮女演员(王嘉慧饰)对戏，十一拿着剧本深情读出：“你留喺度又好离开都好，我都唔惊，因为你已经系我嘅一部分，我唔会忘记你，亦都唔需要忘记你......你走啦，我哋将来一定会再见，只系呢一刻我哋要分道扬镳，个天要我留低一定系有原因......你唔使等我，我晓飞架嘛到时一定会追番你......再见喇老婆......”对白正正反映了经历丧妻之痛的十一的内心感受，相当催泪。而已故资深武打演员及武术指导徐忠信昨晚客串演回老本行武师，亦引起网友关注兼大表惋惜。

昨晚播出一集，身为三届视帝的黎耀祥再祥哥于该场一分钟独白戏演绎到位，单靠读对白已表达出对亡妻的思念，欲哭又止的表情更是令人心痛。祥哥受访时坦言这场戏算难演，事前必须做足功课背熟对白，因为情绪不能断开：“拍之前系咁谂点样去演，每次睇剧本都系觉得好感动，到正式拍𠮶时决定摆低剧本，唔再去谂唔再去睇，因为惊睇得多反而冇咗种新鲜感。”是集尾段祥哥有一场跳上神坛的高难度动作戏，原来亦是祥哥亲身上阵：“其实预备咗替身去做，但发觉好易穿崩，我就提议自己做番。吊威吔对我嚟讲唔陌生，以前都吊好多，为咗出嚟效果好啲，如果可以自己应付都尽量去试。”

提到十一这个角色比较“平”祥哥坦言不容易演：“收到剧本时个谂法系少啲表演，尽量用自己第一身感受去演个角色，希望可以放大个感受嚟感染观众，拍呢套剧最大难处系担心做得少可能太少，做得多可能太多，要恰到好处。”讲到剧集探讨不少亲情及人生哲理，祥哥直言很大感触：“好似预演紧自己人生下半场，一来自己都系戏行嘅人，二来自己有番咁上下年纪，始终有一日要面对自己伴侣嘅离开，面对自己好孤独嘅人生。同埋剧中描写咗好多新旧时代嘅对比，亦都探讨咗人与人之间嘅相处，以前嘅社会大家比较亲切，依家就比较疏离，科技愈发达人嘅距离就愈嚟愈远。”