百万同居计划﹒专访｜简慕华为新鲜感唔怕豁出去　陈俞希恨拍剧

简慕华自2018年结婚后，便跟随老公移民加拿大，去年初因《大叔的爱》回流香港，之后再接下《940920》以及《百万同居计划》，留港快两年，除了是因为难得遇上好剧本之外，最重要当然是因为老公在身边：“佢令我可以完全冇牵挂，好自由地咁拍剧。同埋呢两年佢做咗做我经理人、保姆、司机，take care晒我所有嘢，当然平时我唔使开工都会报答番。”

为新鲜感豁出去

对于呢位廿四孝老公，简慕华给予极高的评价。或许这也是令她更能豁出去，《百》首集，鲜艳唇色、不顾仪态地演唱《E先生连环不幸事件》，零包袱演绎令人惊叹.。“同我以前好多做法都唔同，今次我系完全冇畀意见，由得导演、服装去指引。其实我系好乐意去豁去试，如果唔系冇新鲜感俾大家，要有新尝试先得，所以导演话得就得，自己唔会谂太多。”

黄德斌唔同晒

由TVB到ViuTV，简慕华曾不只一次表示自由度、质素大大提高，如今作品虽然不会公布收视，但她认为此做法其实更好。“以为真系好似交成绩表、交功课咁，但我哋只系想拍好作品，咁先合符演员嘅Standard，收视几多唔到我哋控制。而家冇，取而代之系大家睇得开唔开心、期唔期待下一个剧出现，咁就已经够。”随著心态有所改变， 大家不再有竞争之心，幕前幕后专心做好一件事。“以前俾咩都要做，而家无论生活或工作都系自己拣，咁系最开心。”开心又何止系简慕华一人，再与黄德斌合作，简慕华有感这位老档拍档变得不一样。“佢开通咗，以前唔出声，同埋你问佢嘢佢会答得好简短。今次感觉系唔同晒，可能系心态上唔同咗，又或者真系开心，可能以前好多嘢要顾及。我都真系未见过开笼雀嘅佢，一个朋友有咁大转变我系戥佢开心。”

镜仔急速成长的好与坏

除了黄德斌，简慕华亦感受到Anson Lo（卢瀚霆）过去一年成长了不少，指他们就算工作量大增，但每次开工都十分精神。“简单嚟讲系叻咗，好似高速煲咁，真系好坚。不过你话新一代演员系咪幸福又两睇，看似好好但其实亦有好多唔好嘅地方，例如系做咩都比人睇住，又或者要担心自己唔好一面被人睇到，都系压力。而呢方面我咃就唔会有，所以有时都觉得佢哋系需要适当嘅心理辅导。”

“一姐”怕被定形

拍摄《百》，简慕华意外地与陈俞希（Hailey）成为好友，由喜好、性格到十分相近，连呢日访问的服装，喺未夹过的情况下，都十分相衬。由八模到主持，陈俞希虽有“ViuTV一姐”称号，但至今似乎仍未有代表作，难怪会开始恨拍剧。“我系主持出身，呢个唔系一个容易嘅行业，以前做婚礼MC，客人会赞你，但同你主持节目因为技巧而得奖系好唔一样，系一种范畴。台湾会有颁奖礼，戏剧、综艺、主持人分得好仔细，甚至友台都有，其实系一种限定。有啲综艺主持人身价好高，我希望啲人会睇得出你嘅价值喺边。而家有好多跳舞、唱歌比赛，但反而冇主持比赛，如果有的话，啲人会发现主持其实系需要好多技巧，会尊重多啲。司仪要做到有自己嘅价值系唔易，就好似小S，观众会因为佢而去睇个节目，呢啲都系累积返嚟。”陈俞希自认在拍剧方面是BＢ班学员，所以并不介意做任何角色。“报班去学戏，都会想学以致用，而家拍戏对我嚟讲系考试。”虽说没有考量，但接连几剧都系做强势女上司，令Hailey都有少少担心会被定形，甚至都吓窒追求者。

服装提供：HOWL STUDIO（简慕华）、 Emma Wallace（陈俞希）