肥妈炒股蚀半亿仍投资千万开个唱为好玩　全球物业多到逐间分畀孙

肥妈 (Maria Cordero) 将于明年1月假红馆举行两场演唱会，这次演唱会原本定于今年3月，但由于疫情延至明年才举行。肥妈表示歌单都要重新选过：“要改晒啲歌，疫情期间拣啲歌好感性，依家系过年就系好开心嘅，马浚伟要我唱一啲我未公开唱过嘅歌，展现我温柔一面。我仲会跳舞，扮嘢，例如我会扮筷子姐妹花，又会同《声梦2》、《中年好声音》一齐玩，总之就系会玩好多嘢，老中青同台一齐玩，会唱三语歌曲。”她透露会与《声梦2》亚军黄洛妍（Janees）一起jam歌，挑战高难度歌曲。

肥妈还会亲自创作新歌：“我唱两句你听‘我人又肥，腰又肥，你见到我靓女你咪乱嚟’我哋有几个肥婆齐齐行catwalk。演唱会好多part，我好想玩，想开心，想带畀人欢乐，最紧要好玩。我经过COVID之后已经睇化晒，做人最紧要活在当下。”她近期已勤加操练，日日都6点起身跑步行山，一路行一路唱歌，练歌练气兼练脚骨力，虽然曾经确诊过新冠肺炎，不过她自言身体应付得到。肥妈也有自掏荷包投资今次的演唱会：“原本我有50%，依家得返20%，唉，赚钱架嘛，畀人分薄晒，总投资有8位数字，唔担心卖飞情况。”

肥妈早前曾在专访中自爆炒㶶股惨蚀半亿，但其实她依然不愁生活。早前肥妈回马来西亚沙巴打理她的3800多呎复式豪宅，令外界惊叹她有如此多物业，肥妈说：“𠮶时大陆啲楼咁平，叫啲人买又唔买，之前大湾区啲楼38万咋，我花成6、7个钟上去。”至于共有多少个物业，肥妈说：“有几多唔讲喇，依家逐间分畀啲孙，自己一个老人家边住到咁多，总之香港、马拉同惠洲呢3间屋就留畀自己，因为3间都满载咗我同我老公嘅回忆，全部都系佢一手一脚打造嘅。”

肥妈的老公Rick于2020年11月4日因末期肺腺癌病逝，肥妈至今依然深爱着亡夫。谈到亡夫，肥妈直言时刻感受到对方的存在：“佢成日都喺度。之前我返马拉间屋，有日要揾锁匙，成3860呎咁大，揾嚟揾去都揾唔到，系我老公收埋嘅，佢有画定张图畀我，但系得佢睇得明嘅，我就叫佢帮吓我啦，见到张图上面有TL两个字，我谂咗好耐终于谂到系Toilet，结果真系揾到。”

肥妈笑言老公已变成了她的家神，一直在看顾住她，就连她的家人朋友都照顾住，可以说是有求必应，万试万灵。肥妈说：“佢真系好sweet，好锡我，仲锡埋我屋企人同朋友，真正爱屋及乌。同佢相爱系我今世最美好嘅事，佢系我背后嘅男人，系完美嘅。我依家都有好多追求者，但系我话咗唔要第二个，净系爱我老公一个。”她又指到她开骚时，她老公必定会到场，相信到时更会跟鼓手一起打鼓，原来肥妈之前开的演唱会，她老公都有为她打鼓的。

场地：Villa 26