【全职没女】失恋幸得欧阳震华开解 姚莹莹：当时觉得乜都冇哂
姚莹莹在《全职没女》饰演粗声粗气男人婆罗丽芝，令网友眼前一亮，莹莹在无线默默耕耘，而她对感情亦相当认真专一，《全》剧讲陈松龄经历一段坎坷的爱情而改变了人生，而现实中的姚莹莹也曾有一段刻骨铭心的爱情，令她对爱情亦有另一种看法。
得老友支持挨过情伤
2000年，当时莹莹和拍拖8年的男朋友分手，对她打击甚大，更有传她患上厌食症，她穿婚纱宣传《大囍之家》时，被记者追问感情状况，姚莹莹一时感触失控爆喊，更要主角袁洁莹解围。事隔17年，姚莹莹再穿婚纱宣传《全职没女》，没有当日伤痛，面上满面笑容，她的fb布满和儿子Evan开心的合照，莹莹说起往事亦淡然，她说：“而家谂返…this is my memory但我当时好脆弱，咁啱有个记者，我觉得佢无心啩？佢过嚟拍我䏝头，对我讲：‘妳瘦咗呀，唔好咁啦。’哗！佢呢下搅到我嚟料，我唔知点解即刻崩溃喇，可能我屈住好耐喇，我觉得我好核突，点解我会break down，点解我唔够硬净，但𠮶一刻我真系唔识坚强，𠮶阵拍咗8年，（分手后有厌食症？）我都唔知系咪？我有食嘢，但呕返出嚟，有时食完又唔舒服，当时阿Miu（陈妙瑛）、Bobby（欧阳震华）好睇住我，阿Miu当时话：‘妳自己放pair啦，畀自己一个月、两个月，第三个月就要企返喺身喇。我谂佢意思系叫我don’t think anything just do what you want，但我冇时间pair，因为我都要开工，但分开𠮶下好突然，系度谂我嚟香港做乜呢？我留喺香港都系因为佢喺度，你都唔要我，我仲留喺到做咩？唔系话睇爱情好重，而系我嚟到香港，入咗TVB，得佢系我身边人，我好似突然冇咗个亲人，我冇亲冇故，我喺香港好似一个孤儿咁，因为我屋企人都喺新加坡，所以当时觉得乜都冇哂。’”
失恋时朋友最重要，姚莹莹记起当时欧阳震华的安慰，她说：“有次我喺旧IP（清水湾电视城）开紧第二套，Bobby好似开紧《陀枪师姐》，我当时坐喺厂门口等埋位，发紧呆，Bobby见我一个人问我做乜事？佢叫我振作，啲人要走，俾佢走，唔系你嘅，就唔系你嘅，叫我唔好唔开心，快啲执返正自己，我话冇咗佢，唔知系度做乜，佢话我痴线，你为自己嘛，为其他人生存㗎咩？其实𠵱家谂返转头，好儍，但呢啲真系当局者迷。Bobby好似我哥哥一样，好锡我。”
【全职没女】姚莹莹由力捧变消失 挨足21年：无工开主动揾监制
时间系最好治疗失恋的方法，姚莹莹亦慢慢走出低潮，她亦学懂潇洒，她说：“我觉得两个人相处，最重要坦白，如果你同我讲‘唔好意思，我钟意咗第二个。’唔紧要你去执包袱走，I am OK with it ，我觉得人与人相处，到咗时间，可能就要分开，你坦白同我讲，但你俾我发现，你死梗呀…哈哈，呢个年代冇话冇咗边个唔得，两个人有时可能时间到喇，times up就要分开，冇得勉强。两个人唔开心，无谓拖累大家，我依家改变咗，你唔行出呢一步，you will never know what is coming for you，𠵱家最钟要系同我个仔嘅相处，𠵱家唔讲都唔记得咗喇，𠮶个系我好break down嘅时候，今次再着婚纱宣传，反而系担心自己好肿呀，因为最近系颈椎问题，搅到我好肿，好似好肥咁，我剩系记得呢样嘢，其他唔记得喇。”