专访｜苏丽珊感谢网民愿意批评：令大家观感唔好亦都好抱歉

苏丽珊今年初以歌手身份加盟华纳，至今已推出3首作品，新歌《爱情只是艺术品》更亲自作曲，似乎有意走唱作人路线。由模特儿、演员再到歌手，入行10年，突然转形，苏丽珊认为做演员除非是亲自创作剧本，否则永远只是“执行”导演或编剧心目中的模样，尽管过程中可加入自己的创作，但空间有限。反观在音乐上，无论曲词甚至MV，都可以百分百自主，满足感远超所有。

“不过其实点解会萌生做歌手想法，大概系3、4年前，我有大半年时间都冇戏拍,开始好腾鸡、好担心仲有冇得再继续做呢行。之后去咗旅行，期间睇咗本书，作者卡夫卡（德国作家）本身系律师，但佢好钟意写作，佢觉得写作时嘅佢先系自己，做律师嘅并唔系自己，继而觉得可以去应该追求应有嘅生活。我当时谂自己到底追求什么，演戏？电影？艺术可以系画画、写作，又可以系唱歌，于是开始谂可能性，最后系觉得自己对音乐有兴趣，学结他持续到、学唱歌又顶得顺，于是著手准备，但都真系去年年底先鼓起勇气去做。”

比起年底颁奖礼的成绩，苏丽珊更在意自己的歌路风格，希望能在3至5年间揾出最适合自己的。“做演员成日都会问人点先可以演好啲，啲人系话去感受生活，而我理解系观察多啲身边嘅人；做音乐时我都成日问监制写歌点先好啲，佢都系话感受，好空泛。直到今次《爱情只是艺术品》，原来摆自己故事会呢个感觉，都知道唱作人条路系难行，所以唯有听多啲、努力啲。”

谈及新歌，苏丽珊认为爱情对她来说是必须品，每一段关系都可以令人成长、更了解自己。遇上爱惰，会百分百投入，付出不了会选择抽身。“拍拖会影响自己嘅价值观多啲，我系就算喊到对眼肿晒都会继续做嘢，唔会call sick，亦都唔可以咁做。有次拍戏，由早上8点到收太阳，一roll机我就系𠮶个角色，一cut机就嚟料，我喊足咁耐，全个剧组应该系觉得我痴线，我都觉得好癫。”苏丽珊认为爱情与事业可以并存，所以并没有“趁后生好好打拼事业，将爱情放埋一边”的想法，并强调自己是理性人。

讲完新歌，又再讲讲引起颇多讨论的演技吧！苏丽珊坦言没有感到不快，反观要感谢网民愿意去批评。“因为呢套剧系年头拍，我都几感谢佢地俾咁多comment，因为唔系会咁易收到，虽然有负评，但亦都有赞，有人inbox我好大段系赞，自己系感激，特别系呢个社会唔系咁易去赞人，好或唔好，我都好感激，起码系有关注呢套剧。Inbox同我讲做得唔好嘅，我都有回复真系唔好意思，因为作为演员，令大家观感唔好真系唔多好。但我都希望佢哋可以支持套剧，因为台前幕后都好努力。”

Hair : Franco Chung@Leonardo 3 Haircorner.

Hake up : Chi Chi Li

Wardrobe: ITeSHOP